English | عربی | Kurdî دواهەواڵ
ڕاستەوخۆ  
 
وەزیری کاروباری رۆژهەڵاتی ناوەراست له‌ حكومه‌تی به‌ریتانیا: سوپاسی سەرۆک بارزانی و گەلی کورد ده‌كه‌ین لە شکاندنی تیرۆر
2019-09-24 [12:35 PM]

ZNA- هه‌ولێر


لە شاری برایتن پارتی کرێکارانی بریتانیا کۆنفرانسی ساڵانەی خۆی بەست بە ئامادە بوونی سەدان ئەندامی ئەو حزبە، و نوێنەرانی چەندین حزب و دیبلۆماتکار، شێرکۆ حەبیب بە نوێنەرایەتی پارتی دیموکراتی کوردستان بەشداری لەو کۆنفراسه‌دا کرد

  لە پەراوێزی کۆنفرانسەکە نوێنه‌ری پارتى چاوی کەوت بە کۆمەڵێک کەسایەتی سیاسی و دبلۆماتکار، لە دیدارێک لەگەڵ  سه‌رۆكی پارتی کرێکارانی به‌ریتانیا جیرمی کوربن سڵاوی جەنابی سەرۆک بارزانی و سەرکردایەتی پارتی پێگەیاند و هیوای سەرکەوتنی کارەکانی کۆنفراسی بۆ خواستن لەبەرامبەردا کۆربن سوپاسی سەرۆک بارزانی و سەرکردایەتی پارتی کرد،هەر لە میانەی ئەو کۆنفرانسە نوێنەری پارتی چاوی کەوت بە خاتوو ئیملی فونبری وەزیری دەرەوەی سێبەر، کە باس لە دۆخی ئیستای هەرێم و ناوچەکە کرا

 هه‌روه‌ها نوێنه‌ری پارتی  چاوی کەوت بە فیبیان هاملتن وەزیری کاروباری رۆژهەڵاتی ناوەراست له‌ حکومەتی سێبەر" له‌و دانیشتنه‌دا  بیرو را ئاڵوگۆر کرا لەسەر دوا پێشهاتەکانی کوردستان و ناوچەکە، نوێنەری پارتی ئاماژەی بە پەیوەندی نێوان بەغدا و هەولێر کرد و ئەوەشی خستە روو کەوا هەوڵەکان بۆ چارەسەرکردنی گرفتەکان پێشکەوتنی بەخۆوە بینیووە و گرفتەکان بەرەو کۆتای دەچن بەگوێرەی دەستور، هەروەها بۆ چوونەکانی سەرۆک بارزانی و تێروانینی سەرۆک وەزیرانی عێراقی فیدراڵ هۆکارن بۆ چارسەرکردنی گرفتەکان

 لە تەوەرێکی دیکە نوێنەری پارتی سوپاسی شانشینی یەکگرتووی کرد بۆ هاوکاری و پاڵپشتی کوردستان لە جەنگی دژی تیرۆر کە کورد لە بڕی دیموکرات خوازانی جیهان بەرگری کرد، بۆیە ئەمرۆش گرنگە بەردەوام بن لە ئاوەدان کردنەوەی عێراق بە گشتی و کوردستان بە تایبەتی ئەو شاروشارۆچکانەی وێران کراون لە لایەن داعش، لە لای خۆیەوە وەزیری کاروباری رۆژهەڵاتی ناوەراست سوپاسی جەنابی سەرۆک بارزانی کرد، و رۆڵی گەلی کوردی لە شکاندنی تیرۆر بەرز نرخاند و  باسی لە سەردانەکەی خۆی کرد بۆ کوردستان  پێش چەند ساڵێک .


هەر لە پەراوێزی ئەو کۆنفرانسە نوێنەری پارتی چاوی کەوت بە چەندین کەسایەتی حزبی و دبلۆماتکار، لەوانە جێگری سکرتێری گشتی پارتی دیموکراتی نەتەوەیی غانا، شاندی تایلاند، کونسولی کازاخستان، بەرپرسی لێژنەی پشتگیری موسولمانانی به‌ریتانیا لە پارتی کرێکاران،جێگری سەرۆکی بزاڤی گۆرانکاری دیموکراتی زیمبابۆی، و کریس تۆماس وەزیری سیاسەت و چاک سازی حکومەتی ئایل ئۆف مەنك  باس لە پتەوکردنی پەیوەندییەکانی نێوان هەردوو کرا، هەروەها کورتە باسێک لەسەر پارتی و دوا هەڵبژاردنی کوردستان و پێکهێننای حکومەتی هەرێم لە لایەن پارتی، هەروەها پەیوەندییەکانی نێوان بەغدا و هەولێر تەوەرێکی دیکەی ئەو دیدار و چاوپێکەوتنانە بوو.

111

 





ئەم هەواڵە 2638جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad