 |
|
|||
ZNA-هەولێر بڕیارە سبەی چوارشەممە شاندێكی پەرلەمانی کوردستان سەردانی بەغدا بكات و بودجە و نەوت و ماددەی (140) تەوەری سەرەکی گفتوگۆکان دەبێت. محەمەد سەعدەددین، بڕیاردەری لیژنەی دارایی پەرلەمانی کوردستان رایگەیاند؛ سبەینێ چوارشەممە، شاندێک لە پەرلەمانی کوردستان دەچێتە بەغدا و رۆژی پێنجشەممە شاندەکە دەچنە پەرلەمانی عێراق و لەسەر سێ تەوەر گفتوگۆ دەکەن. گوتیشی: بابەتی بودجە، نەوت و ماددەی (140) تەوەری گفتوگۆکانی نێوان هەرێم و بەغدا دەبێت. بڕیاردەری لیژنەی دارایی لە پەرلەمانی کوردستان رونیشیکردەوە بەرنامەی کاری سەردانەکەیان بریتی دەبێت لە گفتوگۆکردن لەسەر پڕۆژە بودجەی ساڵی (2020)ی عێراق، کێشەی نەوت و کێشەی ناوچە کوردستانییەکانی دەرەوەی ئیدارەی ھەرێمی کوردستان و بۆ ئەم مەبەستەش لەگەڵ لیژنە تایبەتمەندەکانی پەرلەمانی عێراق کۆدەبنەوە. شاندەکەی پەرلەمانی کوردستان پێکهاتووە لە هەریەک لە جێگری سەرۆکی پەرلەمانی کوردستان و سەرۆکی لیژنەکانی دارایی و ئابووری، وزە و سامانە سروشتییەکان و پیشەسازی و بازرگانی و لیژنەی ناوچە کوردستانییەکانی دەرەوەی ئیدارەی هەرێم. ئەم هەواڵە 3100جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad