 |
|
|||
ZNA – هەولێر بڕیارە ئەمڕۆ لایەنەسیاسیەكانی كوردستان كۆبوونوەیەكی فراوان ئەنجام بدەن لەبارەی پێكھێنانی لیستی ھاوبەش بۆ ناوچە كوردستانییەكان و بڕیاری كۆتایی بدەن. خەسرۆ گۆران، به‌رپرسی ده‌زگای هه‌ڵبژاردنی پارتی دیموكراتی كوردستان به K24 راگه‌یاند: "ئەمڕۆ لایەنە کوردستانییەکان له‌باره‌ی لیستی هاوبه‌ش بۆ هەڵبژاردنی ئەنجوومەنی پارێزگاکان بۆ ناوچه كوردستانییه‌كان ، كۆبوونه‌وه‌یه‌كی فراوان ئەنجام دەدەن و لە کۆبوونەوەکەشدا بڕیاری كۆتایی ده‌ده‌ن. گۆران راشیگەیاند: "لیستە هاوبەشەکەی لایەنە کوردستانییەکان تەنیا بۆ پارێزگای کەرکووک نابێت، بەڵکو بۆ تەواوی ناوچە کوردستانییەکان لە پارێزگاکانی دیکەش دەبێت". رۆژی پێجشەمەی رابردوو 26/9/2019، شاندێكی مەكتەبی سیاسی پارتی و یەكێتی لە ھەولێر بۆ ئەم مەبەستە كۆبوونەوە و تێیدا بڕیاردرا كە ئەمڕۆ كۆبوونەوەی حزبە كوردستانییەكان ئەنجامبدرێت و بڕیاری كۆتایی لەسەر ئەو پرسە بدەن. حكومەتی عێراق بڕیاری داوە مانگی نیسانی ساڵی داهاتوو هەڵبژاردنی ئەنجوومەنی پارێزگاکان لە عێراق بەڕیوەبچێت و لایەنە كوردستانییەكانیش مەبەستیانە بەیەك لیست لە سنووری پارێزگاكانی كەركووك و نەینەوا و دیالە بەشداری لە ھەڵبژاردنەكەدا بكەن. ئەم هەواڵە 2584جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad