English | عربی | Kurdî دواهەواڵ
ڕاستەوخۆ  
 
خەسرۆ گۆران: سبەینێ لەسەر دیاریكردنی كاندیدی هاوپەیمانیی كۆدەبینەوە
2019-09-30 [12:05 PM]

ZNA- هه‌ولێر


 بەرپرسی دەزگای هەڵبژاردنی پارتی دەڵێ، لە كۆبوونەوەی ئەمڕۆی لایەنە كوردستانییەكاندا، لەسەر بنەما سەرەكییەكانی هاوپەیمانی كوردستانی رێككەوتوون و سبەینێ و هەفتەی دابێتیش كۆبوونەوەی دیكە ئەنجام دەدەن.

خەسرۆ گۆران، لە لێدوانێكیدا بۆ ماڵپەڕی فەرمیی پارتی دیموكراتی كوردستان، رایگەیاند، كە لە كۆبوونەوەی ئەمڕۆی لایەنە كوردستانییەكاندا، لەسەر بنەما سەرەكییەكانی هاوپەیمانی كوردستانی رێككەوتوون و سبەینێ و هەفتەی دابێتیش كۆدەبنەوە و كۆبوونەوەكانیشیان بەردەوام دەبن.

بەرپرسی دەزگای هەڵبژاردنی پارتی دیموكراتی كوردستان روونیشی كردەوە، كە كۆبووەنەوەی سبەینێی لایەنەكان لە سلێمانی و بۆ دیاریكردنی كاندیدی سەرۆك لیست و رێپێدراوی لیست و درووشم و لۆگۆی لیستەكەیە، هاوكات هەفتەی دابێتیش كۆبوونەوەیان لەسەر نووسینەوەی بەرنامەی سیاسیی لیستەكە دەبێت.

رەتیشی كردەوە، كە تا ئێستا بە فەرمی هیچ كەسێك لە لایەن حزبەكانەوە وەك كاندید دیاری كرابێت.





ئەم هەواڵە 2602جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad