English | عربی | Kurdî دواهەواڵ
ڕاستەوخۆ  
 
سه‌رۆكی هه‌رێمی كوردستان له‌گه‌ڵ باڵیۆزی نوێی كۆریای باشوور کۆبووەوە
2019-10-01 [12:03 PM]

ZNA-هەولێر


نێچیرڤان بارزانی، سه‌رۆكی هه‌رێمی كوردستان په‌یوه‌ندییه‌كانی هه‌رێمی كوردستان و كۆریای باشوور و کار و چالاکییەکانى ڕابردووى هێزی زه‌یتوون و ڕێكخراوی كۆیكاى له‌ چوارچێوه‌ی هاوپه‌یمانیی نێوده‌وڵه‌تیدا لە هه‌رێمی كوردستان به‌رز نرخاند و هەموو پشتگیرى و ئاسانکارییەکى بۆ کار و وەبەرهێنان و سەرمایەگوزاریى کۆریاى باشوور لە هەرێمى کوردستان دووپات کردەوە.

 

له‌ کۆبوونەوەیەکدا ئه‌مڕۆ سێشه‌ممه‌ 1/7/2019 له‌ هه‌ولێر، نێچیرڤان بارزانى سه‌رۆكی هه‌رێمی كوردستان ، پیرۆزبایی له‌ به‌ڕێز جانگ كیۆنگ وۆك باڵیۆزی نوێی كۆریای باشوور له‌ عێراق كرد و هیوا سه‌ركه‌وتنی له‌ ئه‌ركه‌كانیدا بۆ خواست، هەروەها به‌بۆنه‌ی ڕۆژی نیشتمانیی كۆریای باشوور و پازده‌ ساڵه‌ی هاتنی تیپی زه‌یتوونەوە بۆ هه‌رێمی كوردستان، سوپاس و پیرۆزبایی پێشكه‌ش به‌ حكوومه‌تی كۆریاى باشوور كرد.

 

لە کۆبوونەوەکەدا کونسولى کۆریاى باشوور لە هەرێمى کوردستان ئامادەى بوو، هەردوولا خواستى خۆیان بۆ برەودانى زیاتر بە پەیوەندییەکانى نێوانیان نیشان دا و قۆناغه‌ سه‌خته‌كانی ساڵانی ڕابردووى هەرێمى کوردستان، شه‌ڕی داعش، دۆخى ئاواره‌ و پەنابەران لە هەرێمى کوردستان و چەند پرسێکى دیکەیان تاوتوێ کرد.





ئەم هەواڵە 2716جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad