English | عربی | Kurdî دواهەواڵ
ڕاستەوخۆ  
 
ئاسایش دەقی دانپێدانانی بکوژی خێزانە پێنج کەسییەکەی پیرڕەش بڵاودەکاتەوە
2019-10-07 [12:38 PM]

ZNA- هه‌ولێر


پێنجشەممەی رابردوو لە گوندی پیرڕەش لە هەولێر، تەرمی دایک و باوکێک و سێ منداڵەکەیان دۆزرانەوە، دوای دەستگیرکردنی تۆمەتبارەکە، ئەمڕۆ ئاسایشی هەولێر دانپێدانانەکەی بڵاوکردەوە. لە دانپێدانانەکەدا تۆمەتبارەکە دەڵێت، یەکەمجار پیاوەکەی کوشتووە، پاشان دەستڕێژی لە هاوسەرەکەی کردووە.

 

بەپێی دانپێدانی تاوانبارەکە، سوالین هاوسەری هەیسەم هێشتا زیندوو بووە کە تاوانبارەکە "خوێن ساردانە" بە بەرد کوشتوویەتی و دواتر هەر سێ منداڵەکەی کوشتووە. 

 

دەقی راگەیێندراوەکەی بەڕێوەبەرایەتی ئاسایشی هەولێر

 

راگەیێندراوێک لە بەڕێوەبەرایەتی ئاسایشی هەولێر:

 

لێکۆڵینەوەکان لە تاوانی کوشتنی خێزانێکی پێنج کەسی گەیشتنە ئەنجامی کۆتایی و تاوانبار دانی بە تاوانەکەیدا ناوە.

وەک لە راگەیێندراوی پێشوودا ئاماژەمان پێدا، تاوانبار (فەرەیدون کەریم رەمەزان) هەستاوە بە کوشتنی تەواوی ئەندامانی خێزانێکی کوردی رۆژئاوای کوردستان، کە نیشتەجێی گوندی (پیرڕەشی)ـی شاری هەولێر بوون، دوای ئەنجامدانی تاوانەکەیشی، تەرمی قوربانییەکانی بەجێهێشتووە.

 

بەپێی دانپێدانانەکەی کە لەگەڵ ئەم راگەیێندراوە بڵاوکراوەتەوە، تاوانبار زیاتر لە دوو ساڵە، پەیوەندیی و دراوسێیەتی لەگەڵ (بەسام حوسێن رەسوڵ) ناسراو بە (هەیسەم) هەبووە، نزیکەی مانگێکیشە ساردی کەوتبووە نێوانیان، بەڵام ئێوارەی 2-10-2019 تاوانبار بە ئۆتۆمبێلەکەی خۆی، ئەو خێزانەی بردووەتە پیاسەکردن، پاشان دەمەقاڵێ لەنێوان تاوانبار (فەرەیدون) و (هەیسەم)ـی قوربانی دروستبووە، لە ئەنجامدا تاوانبار بە چەکی کڵاشنکۆف (هەیسەم)ـی کوشتووە، پاشان دەستڕێژی لە هاوسەرکەی هەیسەم بەناوی (سوالین محەممەد نەزیر) کردووە، ئینجا هەرسێ منداڵەکەی (حوسێن 11 ساڵ، روشکا 7 ساڵ و محەممەد 5 ساڵ)ـی کوشتووە. بەپێی دانپێدانانی تاوانبار، سوالین هێشتا زیندوو بووە، کە تاوانبار خوێن ساردانە بە بەرد کوشتوویەتی.

 

هێزەکانی بەڕێوەبەرایەتی ئاسایشی هەولێر، لە رێککەوتی 3/10/2019 و تەنها یەک رۆژ دوای ئەنجامدانی تاوانەکە، تەرمی قوربانییەکانی دۆزیوەتەوە، هەمان رۆژیش تاوانبار دەستگیرکراوە و بەپێی رێککارە یاساییەکان لێکۆڵینەوەکان ئەنجامدراون و کەیسی تاوانبار رەوانەی دادگا کراوە.

 

بەڕێوەبەرایەتی ئاسایشی هەولێر

7-10-2019

 





ئەم هەواڵە 2218جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad