English | عربی | Kurdî دواهەواڵ
ڕاستەوخۆ  
 
لیژنه‌ی كشتوكاڵی په‌رله‌مانی كوردستان وعێراق : ره‌زامه‌ندی له‌سه‌ر خه‌رجكردنى پاره‌ی گه‌نمى جوتیاران درا
2019-10-09 [09:12 AM]

ZNA-هەولێر


به‌مه‌به‌ستی گفتوگۆكردن له‌سه‌ر پێشنیازه‌یاساى به‌ركاركردنى یاسای فیدرالیی پاراستنی به‌رهه‌مه‌ عێراقییه‌كان و تاووتوێكردنى كێشه‌و گرفتى جووتیاران،  به‌سه‌رپه‌رشتیى عوسمان عه‌بدوڵا سه‌رۆكى لیژنه‌ى كشتوكاڵ و ئاودێرى و به‌ڵێن ئیسماعیل سه‌رۆكى لیژنه‌ى وزه‌و سامانه‌سروشتییه‌كان و بازرگانى و پیشه‌سازى له‌ په‌رله‌مانی كوردستان كۆبوونه‌وه‌یه‌كى هاوبه‌شى له‌نێوان هه‌ردوو لیژنه‌كه‌ ئه‌نجامدرا.

 له‌راگه‌یاندراوێكدا لێژنه‌ى كشتوكال و ئاودێری له‌په‌رله‌مانى كوردستان بڵاوی كرده‌وه‌ كه‌ له‌ كۆبوونه‌وه‌كه‌دا كه‌ جێگرانى سه‌رۆك و بڕیارده‌ر و ئه‌ندامان و راوێژكارانى هه‌ردوو لیژنه‌كه‌ ئاماده‌یبوون، گفتوگۆ له‌سه‌ر پێشنیازه‌یاساى به‌ركاركردنى یاسای فیدرالیی پاراستنی به‌رهه‌مه‌ عێراقییه‌كان ژماره‌ (11)ى ساڵى (2010) ى هه‌مواركراو كرا.


 راشیده‌گه‌یه‌نن ، له‌به‌شێكى ترى كۆبوونه‌وه‌كه‌دا گفتوگۆ له‌سه‌ر ئه‌و زه‌وییانه‌ كرا كه‌به‌هۆى پرۆِژه‌كانى نه‌وت زیانیان به‌ركه‌وتووه‌و كاریگه‌ریى كردۆته‌ سه‌ر به‌رهه‌مهێنانى كشتوكاڵى.


هه‌ر له‌م كۆبوونه‌وه‌كه‌دا  بڕیاردرا كه‌ له‌لایه‌ن هه‌ردوو لیژنه‌كه‌وه‌ سه‌رجه‌م تێبینى و پێشنیازه‌كان ره‌وانه‌ى حكومه‌تى هه‌رێم بكرێت بۆئه‌وه‌ى وه‌زاره‌ته‌كانى كشتوكاڵ و ئاودێرى و وه‌زاره‌تى بازرگانى و پیشه‌سازى راوبۆچوونى خۆیان له‌سه‌ر بخه‌نه‌ڕوو به‌مه‌رجێك له‌ ماوه‌ى (10) رۆژ تێنه‌په‌ڕ نه‌كات.


 لێژنه‌ى كشتوكال و ئاودێری له‌په‌رله‌مانى كوردستان  بڵاویشى كرده‌وه‌ كه‌ كۆبوونه‌وه‌ له‌گه‌ڵ لیژنه‌ى كشتوكاڵ و ئاودێریى ئه‌نجوومه‌نى نوێنه‌رانى عێراق  به‌رێوه‌چوو 

له‌كۆبوونه‌وه‌كه‌دا گفتوگۆ له‌سه‌ر چۆنیه‌تیى به‌هێزكردنى هه‌ماهه‌نگى و په‌یوه‌ندییه‌كانى نێوان وه‌زاره‌تى كشتوكاڵى هه‌رێم و به‌غدا له‌گه‌ڵ لیژنه‌كانى په‌رله‌مانى كوردستان و ئه‌نجوومه‌نى نوێنه‌رانى عێراق كرا.
له‌به‌شێكى ترى كۆبوونه‌وه‌كه‌دا تیشك خرایه‌سه‌ر پاره‌ى گه‌نمى جووتیاران كه‌هه‌موو ره‌زامه‌ندییه‌كى خه‌رجكردنى له‌سه‌ر دراوه‌ له‌لایه‌ن حكومه‌تى عێراقه‌وه‌ ته‌نیا پێویستیى به‌ فه‌رمانى كارگێڕیى به‌ڕێز عادل عه‌بدولمه‌هدى سه‌رۆكوه‌زیرانى عێراقه‌وه‌ هه‌یه‌ بۆیه‌ داوا له‌لیژنه‌كه‌ى ئه‌نجوومه‌نى نوێنه‌رانى عێراق كرا به‌جدى كار بۆ ئه‌م فه‌رمانه‌ كارگێڕییه‌ بكه‌ن.
له‌كۆتایی كۆبوونه‌وه‌كه‌شدا گفتوگۆ له‌سه‌ر ئه‌وه‌كرا كه‌ هۆشیارى بدرێته‌ هه‌موو لایه‌ك كه‌ جووتیاران و زه‌ویی كشتوكاڵى تێكه‌ڵ به‌ كێشه‌و ململانێ سیاسییه‌كان نه‌كرێت.





ئەم هەواڵە 1498جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad