English | عربی | Kurdî دواهەواڵ
ڕاستەوخۆ  
 
پاراستنی وشکبوونەوەی پێست لە وەرزی هاویندا
2019-10-09 [01:17 AM]

هەولێر -ZNA


 

لە وەرزی گەرما و هاویندا لەش بەشێوەیەکی گشتی تووشی وشکبوونەوە دەبێت، بەهۆی ئەوەی زیاتر لە جاران ئاوی لەشت دەچێتە دەرەوە، چونکە ئارەقێکی زۆر دەکەیتەوە.
 

ئەم بارەش پێویستی بەوە هەیە کە بژاردنی بۆ بکرێت و بەڕێگایەکی نوێ جێگەی ئەو ئاوە بگرێتەوە لە ئەنجامی گەرماوە لە لەش دەڕواتە دەرەوە و وشکی دەکاتەوە.
 

1-یەکێکە لەو ڕێنماییە سەرەکیانە خواردنەوەی برێکی زۆری ئاوە، لەهەمانکاتدا دوورکەوتنەوەیە لەو خواردنەوانەی ڕێژەیەکی زۆر کافاینی تێدایە وەک نیسکافە و قاوە و چا و خواردنەوە گازیەکان، چونکە هۆکارێکە بۆ زیاتر وشکبوونەوە و تینوێتی.
 

2-خۆشتن و گەرماوکردن بە ئاوی سارد و کەم گەرم، چونکە ئاوی خۆشتن بە ئاوی گەرم هۆکارێکە بۆ وشکبوونەوەی لەش و نەهێشتنی زەیتی سروشتی لەش، جگە لەوەش پزیشک و پسپۆرانی پێست ئاماژە بەوەدەکەن نابێت خۆشتن و گەرماوکردن لە وەرزی هاویندا لە 10 خولەک زیاتر بێت بۆ پاراستنی شێداری پێست.
 

3-کاتێک پێست وشک دەبێتەوە، توێکڵێکی سپی هەڵدەدات، بۆ چارەسەری ئەم کێشەیە خەیارێک بهاڕە و کەوچکێک شەکری تێبکە و بۆ ماوەی 5 خولەک بیدە لە پێستەکەت و دواتر بە ئاوس سروشتی و ئاوی گوڵ بیشۆ، پاشان بە زەیتی بادام چەوری بکە، هەفتانە سێجار ئەم کردارە دووبارە بکەرەوە.
 

4-بەکارهێنانی کرێمی دژە خۆر زۆر گرنگە پێش چوونە دەرەوە لەماڵ، چونکە تیشکی خۆر کاریگەری سلبی دەبێت لەسەر پێست و زیاتر وشکی دەکاتەوە، هەر بۆیە کاتێک دەچیتە بەر تیشکی خۆر کرێمی دژە خۆر بەکاربهێنە و نوێی بکەرەوە.
 

5-خواردنەوەی شەربەتی سروشتی میوەکان زۆر بەسوودە و لەشت لە وشکبوونەوەی دەپارێزێت، بەڵام هەوڵبدە لەگەڵ هەموو جۆرە شەربەتێکی میوەدا ئاوی لیمۆ و نەعنا بەکاربهێنە.
 

6-دوورکەتنەوە لە بەکارهێنانی سابون، چونکە ڕێژەی کیمیایی تێیدا زۆرە و دەبێتە هۆی وشکبوونەوە، لەبری ئەوە پێکهاتە و پاکەرەوەی تایبەت بە پێست بەکاربهێنە، چونکە ماددەی سیرامیکی تێدایە و پێست لە وشکبوونەوە دەپارێزێت.





ئەم هەواڵە 1054جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad