2019-10-12 [03:15 AM]

بەرپرسانی یانەی پاریس سانجێرمانی فەڕەنسی ھەوڵدەدەن لەماوەی داھاتوو بۆندی یاریزانی بەرازیلی نەیمار داسێلڤا نوێ بکەنەوە . 

بەپێی ھەواڵێکی رۆژنامەکانی فەڕەنسا، لیۆناردۆ بەڕێوەبەری وەرزشی یانەی پاریس سانجێرمان ھەوڵدەدات بۆندی یاریزان نەیمار بۆ ماوەی دوو ساڵی دیکە نوێ بکاتەوە . 

لەھەواڵەکە ھاتووە ، بۆندی نەیمار لەگەڵ یانەی پاریس سانجێرمان لە ھاوینی ٢٠٢٢ کۆتایی دێت و لیۆناردۆ ھەوڵدەدات نەیمار تا ساڵی ٢٠٢٤ لە یانەی پاریسی بھێلێتەوە و ئامادەشە مووچەکەی بۆ بەرزبکاتەوە. 

لەھەواڵەکە ئاماژە بەوەکراوە ، ھەرچەندە ھاندەرانی یانەی پاریسی زۆر ھوتاف لەدژی نەیمار لێدەدەن بەھۆی ئەوەی لەھاوینی رابردوو ھەوڵیدەدا یانەکەی بەجێ بھێلێت و بچێتە یانەی بەرشەلۆنە ، بەڵام لە ئێستادا بەھۆی ئاستە بەرزەکەی نەیمار پەیوەندی لەگەڵ ھاندەران باشتر بووتەوە . 

یاسین ئەحمەد