English | عربی | Kurdî دواهەواڵ
ڕاستەوخۆ  
 
کەمال کەرکووکی: ١٦ی ئۆکتۆبەر خیانەتێکە هیچ پاساوێک هەڵناگرێت
2019-10-15 [05:59 AM]

ZNA- هه‌ولێر


بەرپرسی ئەنجومەنی سەرکردایەتیی کەرکووک - گەرمیانی پارتی دیموکراتی کوردستان، وەڵامی سەرۆکی پێشووی پەرلەمانی عێراق دەداتەوە و جەخت دەکاتەوە کە ئەو کەسانەی دژی ڕیفراندۆم بوون، ناهەق بوون. ئەوەش ڕوون دەکاتەوە کە خیانەتی ١٦ی ئۆکتۆبەر هیچ پاساوێک هەڵناگرێت.

 

پاش ئەوەی میدیای سەر بە گرووپی خیانەتی ١٦ی ئۆکتۆبەری نێو یەکێتیی نیشتمانیی کوردستان، وەک پاساوهێنانەوەیەک بۆ خیانەتی گرووپەکە، چاوپێکەوتنێکی سەلیم جبووری، سەرۆکی پێشووی پەرلەمانی عێراقی بڵاو کردەوە کە تێیدا هۆکاری ١٦ی ئۆکتۆبەر بۆ ڕیفراندۆم دەگەڕێنێتەوە. دکتۆر کەمال کەرکووکی، بەرپرسی ئەنجومەنی سەرکردایەتیی کەرکووک - گەرمیانی پارتی وەڵامی دایەوە.

 

کەمال کەرکووکی لە لێدوانێکیدا  ئاماژەی بەوە کردوه‌ کە کورد لە عێراقدا مافەکانی خۆی پێ نەدراوە، لە ڕووی داراییەوە لە بودجەی گشتیی عێراق بێبەش کراوە، لە کاتێکدا داهاتی ئەو وڵاتە زۆر و فرە زۆرە.

 

لەبارەی مافی گەلانیش بۆ بڕیاردان لە چارەنووسی خۆیان، سەرکردەکەی پارتی دەڵێت: ”سەلیم جبووری بە جۆرێک باسی ڕیفراندۆم دەکات، وەک ئەوەی ئاگای لە پەیمان و بڕیارەکانی نەتەوە یەکگرتووەکان نەبێت و تەنانەت دیباچەی دەستووری عێراقیشی بە باشی نەخوێندبێتەوە“.

 

ڕوونیشی کردەوە کە بۆ ڕیفراندۆم، سەرۆک بارزانی ڕێگەیەکی درووست و یاسایی و دادپەروەرانەی گرتە بەر و زۆر ئاساییە سەرۆک ڕێز لە گەلی خۆی و بۆچوونی گەلەکەی بگرێت و ڕایان وەربگرێت لەبارەی چارەنووسیان. گوتیشی: ”ئەوانەی ڕیفراندۆمیان ئەنجام دا لەسەر هەق بوون، ئەوانەشی هەوڵی ڕێگەگرتن لە ڕیفراندۆمیان دا، ناهەق بوون“.

 

لەبارەی پاساودانەوەش بە خیانەتی ١٦ی ئۆکتۆبەر لە ڕێگەی سەلیم جبوورییەوە، دکتۆر کەمال کەرکووکی گوتی: ”١٦ی ئوکتۆبەر خیانەت بوو، ھیچ پاساوێکی بۆ نییە“.





ئەم هەواڵە 2650جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad