English | عربی | Kurdî دواهەواڵ
ڕاستەوخۆ  
 
توركیا به‌رده‌وامه‌ له‌ تۆپباران كردن
2019-10-20 [06:16 AM]

ZNA- هه‌ولێر


سوپای تورکیا گوندی کزەلی لە عەین عیسا تۆپباران کرد و فڕۆکەی چاودێری و فڕۆکە جەنگییەکانی سوپای تورکیاش بە ئاسمانی ناوچەکەدا دەسووڕێنەوە.  

بەگوێرەی سەرچاوە خۆجێییەکانی هەواڵ لە ناوچەکە، بەیانی ئەمڕۆ یەکشەممە سوپای تورکیا بە چەکی قورس گوندی کزەلی لە عەین عیسا تۆپباران کردووە.

لەبارەی ئەنجامی تۆپبارانەکە هیچ زانیارییەک بڵاونەکراوەتەوە. لەلایەکی دیکەوە، فڕۆکەی چاودێری و فڕۆکە جەنگیییەکانی سوپای تورکیا بەشێوەیەکی چڕ بە ئاسمانی ناوچەکەدا دەسووڕێنەوە.  

لە 17ی ئەم مانگەوە لە ئەنجامی رێککەوتنی تورکیا و ئەمریکا لە سەرێ کانی و گرێ سپی ئاگربەست راگەیێنراوە، بەڵام هەسەدە دەڵێت، تورکیا بەردەوامە لە هێرش و تۆپبارانەکانی.

بەگوێرەی زانیارییەکان، سوپای تورکیا و گرووپە چەکدارەکانی ئۆپۆزیسیۆنی سووریا کە تورکیا پاڵپشتییان دەکات، دوای ئاگربەستەکە، نەک تەنیا لەو ناوچانە نەکشاونەتەوە، بەڵكو ژمارەیەکی زۆر سەرباز و تیمی تایبەتی تورکیا و گرووپی چەکدار، بە چەکی قورس و پێداویستی سەربازییەوە بەمەبەستی پاڵپشتیکردنی هێزەکانیان چوونەتە سەرێ کانی و گرێ سپی و ناوچەکانی دیکە، گەمارۆ و شەڕ و رووبەڕووبوونەوەکان و تۆپبارانەکانیشی لە ناوچەکە درێژەیان هەیە. 

 





ئەم هەواڵە 1864جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad