English | عربی | Kurdî دواهەواڵ
ڕاستەوخۆ  
 
لە سۆران دەست بەسەر بڕێک مادەی هۆشبەردا گیرا
2019-10-20 [11:29 AM]

ZNA-هەولێر


بەپێی ڕاگەیەندراوێکی بەڕێوەبەرایەتیی گشتیی نەھێشتنی مادە ھۆشبەرەکانی سەر بە ئاسایشی گشتیی ھەولێر، چەند ڕۆژ لەمەوبەر لەلایەن بەڕێوەبەرایەتیی ئاسایشی سۆران لە بازگەی (زین وەرتێ) و شاری سۆران لە دوو چالاکیدا تواندراوە دەست بەسەر زیاتر لە چوار کیلۆگرام لە چەند جۆر مادەھی ھۆشبەردا بگرن.

لە ڕاگەیەندراوەکەی بەڕێوەبەرایەتیی گشتیی نەھێشتنی مادە ھۆشبەرەکاندا ھاتووە: "ڕێکەوتی ١٥ی١٠ی٢٠١٩ لەلایەن بەڕێوەبەرایەتیی ئاسایشی سۆران لە بازگەی (زین وەرتێ) توانرا دەست بگیرێت بەسەر بڕی ( ١.٩٩٧) یەک کیلۆ و نۆسەد و نەوەدو حەوت گرام مادەی ھۆشبەر لە جۆری (کریستاڵ) و بڕی (١.٥) یەک کیلۆ و نیو مادەی ھۆشبەر لە جۆری (ھێرۆین) و (٤٧٧) گرام مادەی ھۆشبەر لە جۆری (حەشیش) لەگەڵ دەستگیرکردنی دوو تۆمەتبار کە خەڵکی شاری دھۆکن بەناوەکانی (ع.م.ح) و (س.ح.ی).

لە ڕاگەیەندراوەکەدا ئاماژە بەوەش دراوە: "لە چالاکییەکی‌تردا لە ڕێکەوتی ١٦ی١٠ی٢٠١٩ لەلایەن بنکەی نەھێشتنی مادە ھۆشبەرەکانەوە تواندرا لە قەزای سۆران ھاووڵاتییەکی ئێرانی بەناوی (ع.ع.ر) دەستگیر بکرێت و بڕی یەک کیلۆگرام مادەی ھۆشبەر لە جۆری (ھێرۆین)ی پێوە گیرا، تۆمەتباران دانیان بە تاوانەکانیاندا ناوە، بۆیە بەپێی یاسای (١٤)ی مادەی ھۆشبەر پەڕوای لێکۆڵینەوەیان بۆ ڕێک خرا و ڕەوانەی بەردەم دادگا کران".

 

 





ئەم هەواڵە 2458جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad