English | عربی | Kurdî دواهەواڵ
ڕاستەوخۆ  
 
بلیتی فڕۆکە لە هەرێمی کوردستانەوە بۆ تورکیا بۆ کەمترین نرخ لە 10 ساڵی ڕابردوو دادەبەزێت
2019-10-20 [11:58 AM]

ZNA- هه‌ولێر


سەرۆكی یەكێتیی كۆمپانیاكانی گەشتیاری و فڕۆكەوانیی لە هەرێمی كوردستان ڕای دەگەیەنێت، ڕێژەی گەشتیارانی هەرێمی كوردستان بۆ توركیا ٧٥٪ دابەزیوە و نرخی بلیتی فڕۆکەش بە بەراورد لەگەڵ ١٠ ساڵی ڕابردوو، بۆ نزمترین ئاست دابەزیوە.

لاوەند مەموندی، سەرۆكی یەكێتیی كۆمپانیاكانی گەشتیاری و فڕۆکەوانی لە هەرێمی كوردستان  ڕاگەیاند: "چەند هۆكارێك بۆ كەمبوونەوەی ڕێژەی گەشتكردن لە هەرێمی كوردستانەوە بۆ توركیا هەن، لەوانە وەرزی گەشتكردن نەماوە، هەروەها ئەو شەڕ و كێشانەی ئێستا لە ناوچەكەدا هەن، بۆیە ئەگەر خەڵكی خۆمان زۆر پێویستیان نەبێت، ئەوا گەشت ناكەن".

ڕوونیشی کردەوە، لە ماوەی ئەم چەند هەفتەیەدا ڕێژەی گەشتیاران ٧٥٪ دابەزیوە و نرخی بلیتی فڕۆکەش بۆ نزمترین ئاست لە ماوەی ١٠ ساڵی ڕابردوو دابەزیوە، نموونەشی بە بلیتی چوون و هاتنەوە لە هەولێرەوە بۆ ئیستەنبۆڵ هێنایەوە کە بووە بە ٢٥٠ دۆلار.

بە گوتەی لاوەند مەموندی، لەبەر كەمیی گەشتیاران و بۆ پڕكردنەوەی فڕۆكە، نرخەكان دادەبەزێندرێت، ”لەم هەفتەیەدا نرخی بلیت گەیشتووەتە ٢٠٠ دۆلار و بە ١٧٠ دۆلار و تەنانەت ١٥٠ دۆلار دۆلاریش فرۆشراوە".

ئەوەشی نەشاردەوە کە یەکێکی دیکە لە هۆکارەکانی کەمبوونەوەی گەشتکردنی هاووڵاتییانی هەرێمی کوردستان بۆ تورکیا، خۆی لە هەندێک ڕێکاری ئەمنی و هەندێکجار بێزارکردنی گەشتیارانی هەرێمی کوردستان دەبینێتەوە، ”تەنانەت داوای مۆبایل لە خەڵك كراوە بۆ ئەوەی سەیری بكەن".





ئەم هەواڵە 3838جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad