English | عربی | Kurdî دواهەواڵ
ڕاستەوخۆ  
 
به‌هۆی "بازرگانی سێكس" سكاڵا له‌سه‌ر كه‌ناڵی BBC تۆمار ده‌كرێت
2019-10-22 [11:57 AM]

ZNA-هەولێر


بڵاوکردنەوەی راپۆرتێک، لە بارەی "بازرگانی سێکس" لە لایەن کەناڵی BBCی بەریتانی، ناڕەزایی و نیگەرانی زۆری لەسەر ئاستی عێراق و پیاوانی ئایینی لە باشووری عێراق لێکەوتووەتەوە و سکاڵای یاسایی لەسەر کەناڵەکە تۆمار دەکرێت.

بە گوێرەی زانیارییەکان، یەکێک لەو پیاوە ئایینییانەی قسەی بۆ کەناڵەکە کردووە، رایدەگەیەنێت، بەشێک لە قسەکانی لابراوە و بە گوێرەی ویست و ئارەزووی بەرھەمھێنەری راپۆرتەکە دانراوەتەوە، ئەوەش کارێکی رەتکراوەیە.

بە گوێرەی ناوەڕۆکی سکاڵاکە، ئەو کەناڵە راپۆرتەکەی بە شێوەیەک مۆنتاژ کردووە، کە خزمەت بە ئامانجەکەی بکات و باس لەوە دەکات، یەکێک ھاتووەتە نووسینگە فەرمییەکەی ئەو پیاوە ئایینیە و پرسیاری لە بارەی ھاوسەرگیری ھەمیشەیی کردووە، بەڵام راپۆرتەکە وا مۆنتاژکراوەتەوە، وەک ئەوەی باس لە ھاوسەرگیری کاتی "موتعە" بکات، کە بە گوێرەی ئەو پیاوە ئایینییە، ئەوەش راست نەبووە و راستییەکە شێوێندراوە.

لەبەر ئەو ھۆکارە ئەو پیاوە ئایینیە، بەناوی "دکتۆر سالم" بڕیاریداوە سکاڵا لەسەر کەناڵەکە تۆمار بکات و روونی دەکاتەوە، راپۆرتە دۆکیومێنتەرییەکە "گۆڕین و ساختەکردنی راستییەکانە لە بەردەم رای گشتی" و ئەو کارەش بە "بە ئامانجگرتنی دەوڵەتی عێراق" لە قەڵەم دەدات.

راپۆرتە دۆکیومێنتارییەکە لەلایەن "نەوال ئەلمەقحەفی" ئامادەکراوە و رۆژی ٥ی ئۆکتۆبەری ٢٠١٩ لە شاشەی BBC، لە ژێر ناوی "بازرگانی جنس" پەخشکراوە.

وەک دکتۆر جەمال باسی دەکات، وێنەگرتنی راپۆرتەکە، بە شێوەیەکی نایاسایی بووە و لە چەند شوێنێکی بەبێ وەرگرتنی رەزامەندی وێنەگیراوە.

ئەوەش خراوەتەڕوو، کە ئامادەکاری راپۆرتەکە، "شۆفێری تاکسی" وەکو "پیاوانی ئایینی و سەید" نیشانداوە و چەندین پێشێلکاری دیکەی یاسایی کراوە.





ئەم هەواڵە 4666جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad