English | عربی | Kurdî دواهەواڵ
ڕاستەوخۆ  
 
ئایا جووینی سیر له‌ قووتدانی باشتره
2019-10-23 [09:21 AM]

هەولێر ــ ZNA



سیر یه‌كێكه‌ له‌ خوارده‌مه‌نییه‌ زۆر به‌سوده‌كان و له‌ زۆر شوێنی جیهاندا به‌تایبه‌تی خۆرهه‌ڵاتی ناوه‌ڕاست و ئیتاڵیا و باشووری خۆرهه‌ڵاتی ئاسیادا خۆراكێكی سه‌ره‌كییه‌.

 

زۆرجار بۆ زیادكردنی بۆن و تامی سیر، چێشتلێنه‌ره‌كان سیره‌كه‌ ورد ده‌كه‌ن و شه‌ش تا هه‌شت خوله‌ك دایده‌نێن پاشان له‌گه‌ڵ خۆراكه‌كه‌دا تێكه‌ڵی ده‌كه‌ن. ورد كردنی سیر ده‌بێته‌ هۆی به‌ره‌ڵا كردنی ئه‌نزیمی ئالیناز كه‌ ده‌بێته‌ هۆی دروستبوونی ئالیسین كه‌ ده‌گۆڕێت بۆ شێوه‌ جیاجیاكانی ئۆرگانۆ گۆگرد كه‌ بۆ چاره‌سه‌ر و رێگری له‌ زۆر نه‌خۆشی به‌سوده‌.

چه‌ند ده‌نك سیر پێویسته‌؟
ئالیسین ئه‌و كاته‌ به‌سوده‌ كه‌ رۆژانه‌ 10 گرامی لێ بخورێت و ئه‌و كاته‌ ده‌توانێت فشاری خوێن دابه‌زێنێت. ئه‌مه‌ش پێویستی به‌ 1 تا 4 ده‌نك سیر هه‌یه‌. به‌ڵام ئه‌گه‌ر سیره‌كه‌ بجوویت فشاری خوێنه‌كه‌ باشتر داده‌به‌زێت.


جگه‌ له‌ سیری تازه‌، سیری وشك و هاڕدراوی سیریش كاریگه‌رییان له‌سه‌ر مرۆڤ هه‌یه‌. له‌به‌ر ئه‌وه‌ ئه‌گه‌ر ده‌رمانی دابه‌زاندنی فشاری خوێن و چه‌وریی خوێن و روون كردنه‌وه‌ی خوێن ده‌خۆیت پێویسته‌ پێش خواردنی سیر پرس به‌ پزیشكه‌كه‌ت بكه‌یت.


هه‌روه‌ها ئه‌گه‌ر ئه‌سپرین به‌كارده‌هێنیت و سیریش ده‌خۆیت، ئه‌وا له‌كاتی بینینی شین بوونه‌وه‌ی پێستدا كه‌ نیشانه‌ی ته‌نك بوونه‌وه‌ و دڕانی بۆرییه‌كانی خوێنه‌ ئاگادار به‌ و پزیشكه‌كه‌ت ئاگادار بكه‌ره‌وه‌، چونكه‌ سیر و ئه‌سپرین هه‌ردووكیان بۆرییه‌كانی خوێن ته‌نك ده‌كه‌نه‌وه‌ و خوێن روون ده‌كه‌نه‌وه‌.


سیر به‌ شێوه‌ی جیاجیا و له‌ ناو گولاج و رۆن و گیراوه‌ گیاییه‌كانیشدا ده‌خرێته‌ روو و وه‌كو چاره‌سه‌ر بۆ كۆنترۆڵكردنی چه‌وریی خوێن و به‌رزیی كۆلیسترۆڵ و نه‌خۆشییه‌كانی دڵ و بۆرییه‌كانی خوێن به‌سوده‌. هه‌روه‌ها سیر به‌هۆی بوونی تایبه‌تمه‌ندی دژه‌ به‌كتریاوه‌ توانای كه‌مكردنه‌وه‌ی هه‌وكردنی هه‌یه‌.


ئه‌گه‌ر تۆ له‌و كه‌سانه‌یت كه‌ سیر به‌كارده‌هێنیت، ئه‌وا واباشتره‌ سیری تازه‌ بخۆیت و له‌بری ئه‌وه‌ی وردی بكه‌یت، بیجوویت چونكه‌ ئه‌و كاته‌ كاریگه‌ریی زیاتر ده‌بێت له‌ به‌رامبه‌ر هه‌وكردن و به‌رزیی چه‌وریی خوێندا.





ئەم هەواڵە 2029جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad