English | عربی | Kurdî دواهەواڵ
ڕاستەوخۆ  
 
سودە تەندروستیەکانی زیرە بزانە
2019-10-26 [01:44 AM]

هەولێر ــ ZNA



زیرە یەکێکە لە بەھارات و داودەرمانە سەرسوڕھێنەرەکان کە لەدێر زەمانەوە مرۆڤ ناسیویەتی و سەرەڕای زیادکردنی تام و چێژی خواردنەکە، کاریگەرییەکی باشی ھەیە لەسەر ھەرسی خواردن.


جگە لەوە چەندین سودی تری سەرسوڕھێنەری بۆ تەندروستی ھەیە کە لێرە بۆتان باس دەکەین:


ماڵپەڕی دوێچتە فیلە بڵاویکردووەتەوە: پسپۆران ئامۆژگاری بەکارھێنانی ئەو جۆرە بەھاراتە دەکەن بۆ خۆشکردنی ھەموو جۆرەکانی گۆشت ھەروەھا بەکارھێنانی لەناو شۆربا و زەڵاتە و سەوزە و پەنیر و نانیش چونکە سودی تەندروستی زۆرە.

زیرە  بەسودە بۆ پرۆسەی ھەرس و رزگاربوون لە ژەھرەکانی ناو لەش، یەک کەوچکی  بچوک زیرە دوو گرام لە ریشاڵی  خۆراکی پێویست بۆ ھەرسی خواردن زیاد دەکات،  ھەروەھا ریخۆڵە و ناوسک لە ژەھرەکان پاک دەکاتەوە.


تۆی زیرە بە پێکھاتەی فلافونویدی دژە ئۆکسید دەوڵەمەندە، ھەروەھا پێکھاتەی کاروتین و لوتین و کریبتوازنتین و زیاکسانتینی تێدایە.


لەناو زیرەدا رێژەیەکی زۆری زەیتی بنەڕەتی ھەیە وەک لیمونین و چەند زەیتێکی تر و لەش دەپارێزن لەو رەگانەی ھەوڵی تێکدانی خانەکانی دەدەن.


زیرە ھەوکردن کەم دەکاتەوە، توێژینەوەیەکی زانستی نوێ ئاشکرایدەکات زیرە جگەر و گورچیلە لە ماندوو بوون دەپارێزێت و ھەوکردن لە لەشدا کەم دەکاتەوە.


لە توێژینەوەیەکدا کە ساڵی ٢٠١١ ئەنجامدراوە ئاشکرایدەکات زەیتی زیرە مرۆڤ لە نەخۆشی شێرپەنجەی ریخۆڵە دەپارێزێت.


چارەسەرە بۆ ھەڵاوسانی سک و خراپی ھەرس، لەدێر زەمانەوە زانراوە کە زیرە کاریگەرێکی ئەرێنی لەسەر کۆئەندامی ھەرس ھەیە و  روەکێکی بەسودە بۆ ھەڵاوسانی سک و پێچی ریخۆڵە و خراپی ھەرس، ھەروەھا چارەسەرە بۆ  ئارامی و یارمەتی مرۆڤ دەدات و ھێورکەرەوەیە.





ئەم هەواڵە 1660جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad