2019-10-26 [12:50 PM]

ئەمڕۆ شەممە ٢٦/١٠/٢٠١٩ بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ھەفتانەی خۆی ئەنجامدا و، ئەم بڕیار و راسپاردانەی دەرکرد. 

١- راھێنەری تیپی پێشکەوتووانی یانەی دەربەندیخان (ھۆگر عەبدوڵڵا)، بۆی نییە راھێنەرایەتی یانەکەی بکات، تا بڕیاری بەرێوەبەرایەتی گشتی وەرزش بە پەسەند وەرنەگرێت، چونکە ناوبراو بەدەر لە رێنماییەکان ئەندامی دەستەی کارگێری یانەکەیە.

٢- یاریزانانی فێرگەکانی تۆپی پێی کوردستان، ئازادن بۆ ھەر یانەیەک یاری دەکەن.

٣- یاریزانانی تەمەن رێگەپێدراو بۆ خولەکانی لاوان و تازەپێگەیشتووانی کوردستان، ئازادن بۆ ھەر یانەیەک یاری دەکەن، بە مەرجێک یانەکەی خۆی تیپەکانی لاوان و تازەپێگەیشتووانی نەبێت.

٤- ئاگاداری سەرجەم یانە بەشداربووەکانی چالاکییەکانی یەکێتی تۆپی پێی کوردستان دەکەینەوە، کە مەرج نییە یانەکان رۆژێک پێش یاری یاریگەی سەرەکی بۆ مەشق و راھێنانی تیپی میوان دابین بکات، بەڵکو ئارەزوومەندانەیە، بەڵام مەرجە یانەی میواندار یاریگەی دووەم یان شوێنێکی شایستە و گونجاو بۆ مەشق و راھێنانی تیپی میوان دابین بکات.

ی.ا