English | عربی | Kurdî دواهەواڵ
ڕاستەوخۆ  
 
بەهۆی هێرشی تورکیاوە شەڕێکی قورس لە ئارادایە
2019-10-27 [06:36 AM]

ZNA- ھەولێر


سەرەڕای ئەوەی کە ئاگربەست لە نێوان تورکیا و هێزەکانی سووریای دیموکرات بەستراوە، بەڵام لە سەرێکانی لە ئەنجامی هێرشی تورکیا، لە نێوان هێزەکانی سووریای دیموکرات و سوپای ڕژێمی سووریا لەلایەک و سوپای تورکیا و هێزە توندڕەوەکانی سەر بە تورکیا لە سەرێکانی دەستی پێکردووە.

بەپێی زانیارییەکان بەرەبەیانی ئەمڕۆ یەکشەممە سوپای تورکیا و چەکدار و میلیشیا توندڕەوەکانی سوپای ئازادی سووریای سەر بە تورکیا، لە ڕۆژئاوای شاری سەرێکانی لە ڕۆژئاوای کوردستان هێرشیان کردووە و لە بەرانبەردا لەلایەن هێزەکانی هەسەدە و سوپای ڕێژێمی سووریاوە بەرپەرچیان دراوەتەوە.

زانیارییەکان ئەوەیان خستووەتە ڕوو: "هێزەکانی تورکیا و میلیشیا توندڕەوەکانی سوپای ئازادی سووریا هێرشیان کردووەتە سەر گوندەکانی (باب خێر)ی سەر بە ناحیەی (زرگان)ی سەر بە سەرێکانی و شەڕڤانانی هەسەدە و هێزی ڕێژیمی سووریا کە ئەمڕۆ گەیشتوونەتە ئەو سنوورە بەرپەرچی ئەو هێرشەیان داوەتەوە و بەو بۆنەوە شەڕێکی قورس ڕووی داوە و هێشتا تورکیا لە هێرشەکەی بەردەوامە.

چه‌ند رۆژ لەمەوبەر وه‌زاره‌تی به‌رگریی تورکیا ئاشکرای کرد ئیدی ئەوان درێژە بە شەڕ و هێرش ناکەن و بەتەمان لەگەڵ وڵاتانی ناتۆ ناوچەی ئارام لە ڕۆژئاوای کوردستان پێک بهێن، بەڵام دیسان بەڵێنەکان و ئاگربەستیان شکاندوووە و هێرشیان کردووە.

ئەمە لە کاتێکدایە کە دوێنێ هێزەکانی رووسیا لە قامیشلۆوە هەتا سەرێکانی گەڕێکی گەڕانیان بۆ سنووری سەرێکانی و گرێ سپی ئەنجام دا.





ئەم هەواڵە 4483جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad