English | عربی | Kurdî دواهەواڵ
ڕاستەوخۆ  
 
فرسه‌ت سۆفى پارێزگاری هه‌ولێر سه‌ردانى رواندزى كرد ، له‌گه‌ڵ یه‌كه‌ ئیدارییه‌كانى ئه‌و ده‌ڤه‌ره‌ كۆبۆوه‌
2019-10-28 [11:34 AM]

ZNA- هه‌ولێر


 فرسه‌ت سۆفى پارێزگاری هه‌ولێر به‌ یاوه‌ری شاندێكى باڵاى تایبه‌تمه‌ند له‌ دیوانى پارێزگاى هه‌ولێر و ژماره‌یه‌ك له‌ به‌رێوه‌به‌رانى گشتى ، سه‌ردانى قه‌زاى ره‌واندزیان كرد له‌لایه‌ن كوێستان ئه‌حمه‌د قادر له‌ باڵه‌خانه‌ى قایمقامیه‌ت پێشوازیان لێكرا .. له‌و سه‌ردانه‌دا به‌ گشتى تیشك خرایه‌ سه‌ر ته‌واوى بواره‌كان ، به‌تایبه‌ت رواندز به‌وه‌ ناسراوه‌ كه‌ ساڵانه‌ گه‌شتیارێكى زۆر رووى تێ ده‌كه‌ن ، له‌مباره‌یه‌وه‌ ئاماژه‌ بۆ خراپی رێگاو بان كرا ، له‌لایه‌ن خۆیه‌وه‌ پارێزگاری هه‌ولێر رایگه‌یاند كه‌ ئه‌م پرسه‌ به‌ گرنگییه‌وه‌ ده‌خه‌نه‌ نێو كارو پلانه‌كانیان ، بۆ زیاتر پێشخستنى ڕه‌وتى گه‌شت و گوزار و هه‌وڵدان بۆ زیاد كردنى ژماره‌ى گه‌شتیاران.. جه‌خت كرایه‌ سه‌ر پرسه‌كانى تایبه‌ت به‌ شاره‌وانى ، بۆ ئه‌مه‌ قایمقامى رواندز رایگه‌یاند كه‌ مه‌سه‌له‌ى ته‌جاوز بۆ سه‌ر زه‌ویی و موڵكى گشتى له‌و سنووره‌ بنبڕ كراوه‌ ، راشیگه‌یاند كه‌ زه‌ویان بۆ دروست كردنى ناوچه‌یه‌كى پیشه‌سازى دابین كردووه‌ ، بۆ ئه‌مه‌ پارێزگاری هه‌ولێر به‌ڵێنى پێدان كه‌ ته‌خت كردن و رایی كردنى ئه‌و شوێنه‌ له‌لایه‌ن پارێزگاى هه‌ولێره‌وه‌ سولفه‌یه‌كیان بۆ دابین ده‌كرێت تاوه‌كو به‌ زووترین كات ئه‌و ناوچه‌یه‌ بۆ خه‌ڵكى رواندز دروست بكرێت .. رواندز ناوچه‌یه‌كى گرنگى كشتوكاڵى گرنگه‌ ، بۆ ئه‌مه‌ پارێزگاری هه‌ولێر هه‌موو پاڵپشتییه‌كى خۆی بۆ به‌ره‌و پێش بردنى بوارى كشتوكاڵى ده‌ربڕى ، به‌ڵێنیدا هه‌موو ته‌ماسێك له‌ نێوان ئیداره‌ى رواندز و وه‌زاره‌ته‌كانى حكومه‌تى هه‌رێم دروست بكات بۆ زیاتر پێشخستنى بواری گشتوكاڵ ، ته‌ئكیدیش كرایه‌وه‌ سه‌ر رێكخستنه‌وه‌ى میلاكاتى فه‌رمانگه‌ حكومییه‌كانى ئه‌و ده‌ڤه‌ره‌ ، كه‌ به‌پێى پێویستیی كار بۆ دابین كردنى تواناى مرۆیی بكرێت .. وێڕاى ئه‌وه‌ى كه‌ رواندز ده‌ڤه‌رێكى گرنگ و زیندووى بواره‌كانى ئه‌ده‌بی رۆشنبیرییه‌ ، پارێزگاری هه‌ولێر له‌مباره‌وه‌ رووه‌ مێژووییه‌كه‌ى خسته‌ روو كه‌ رواندز چه‌نده‌ گرنگه‌ و خاوه‌نى پێگه‌یه‌كى تایبه‌تى كلتوورى و رۆشنبیرى ئه‌ده‌بی و موزیكه‌ ، ده‌بێت زیاتر گه‌شه‌ى پێ بدرێت .. جێى باسه‌ تاهیر عه‌بدوڵا جێگری پارێزگاری هه‌ولێر یاوه‌ری ئه‌و سه‌ردانه‌ بوو .





ئەم هەواڵە 1684جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad