English | عربی | Kurdî دواهەواڵ
ڕاستەوخۆ  
 
بەرپرسێکی یەکێتی: ئەستەمە کۆنگرە ببەسترێ
2019-11-03 [05:30 AM]

ZNA- هه‌ولێر


بەرپرسێکی یەکێتیی نیشتمانیی کوردستان ئاشکرای کرد، بەم دۆخەی عێراق و ناوچەکەوە ئەستەمە کۆنگرەی چوارەمی حزبەکەی ببەسترێ و بە دووری نەزانی کۆنگرەکە بۆ کاتێکی دیکە دوابخرێت.

 

ھێمن مەنسوڕ، جێگری لێپرسراوی مەڵبەندی خانەقینی یەکێتیی نیشتمانیی کوردستان  ڕایگەیاند: "ھەرچەندە کۆنگرە زۆر بۆ یەکێتی گرنگە، بەڵام بەھۆی خۆپیشاندانەکانی عێراق و بەرودۆخی ڕۆژئاوای کوردستانەوە، ئەستەمە یەکێتی کۆنگرە ببەستێت“.

 

ئەوەشی نەشاردەوە کە ”لەوانەیە“ کۆنگرە بۆ کاتێکی دیکە دوابخرێت، چونکە بارودۆخی عێراق و ناوچەکە بەشێوەیەکی گشتی ئاڵۆزە و ”پێویستە لە دۆخێکی سەقامگیردا کۆنگرە ببەستین“.

 

پێشتر فەرید ئەسەسەرد، ئەندامی سەرکردایەتیی یەکێتی  بە دووری نەزانیبوو کە باڵەکانی حزبەکەی پێش کۆنگرە بگەنە ڕێککەوتنێک لەبارەی پۆستەکانەوە. بەڵام هێمن مەنسووڕ دەڵێت: ”ڕێککەوتنی پێشوەختە ڕەت دەکەینەوە“.

 

ڕوونیشی کردەوە، کۆنگرە بۆ گۆڕانکاریی ڕیشەییە لە فکر و بەرنامە و دەسەڵات و پەیکەربەندیی یەکێتی، بۆیە ”ئەگەر ڕێککەوتنی پێشوەخت بکرێت، مانای وایە ھیچ گۆڕانکارییەک لە کۆنگرەی یەکێتیدا نەکراوە و باشترە یەکێتی کۆنگرە نەبەستێت“.

 

جێگری بەرپرسی مەڵبەندی خانەقینی یەکێتی ئاماژەی بەوەش دا، تاوەکوو ئێستا ھیچ کەسێک خۆی بۆ پۆستی سکرتێری گشتیی حزبەکە کاندید نەکردووە، چونکە لە کۆنگرەدا پۆستە باڵاکانی حزبەکەی یەکلا دەبنەوە.

 

ئەوەشی ئاشکرا کرد کە ”زۆر کەس ئیشی بۆ ئەوە کردووە، ببێتە سکرتێری گشتی یان ئەندامی سەرکردایەتی و مەکتەبی سیاسی، هەرچەندە ئەمەش گرەنتی نییە و ئەم بابەتە لە ڕێگەی دەنگی ئەندامانی کۆنگرەوە یەکلا دەکرێتەوە“.

 

بەپێی بڕیاری مەکتەبی سیاسی و سەرکردایەتیی یەکێتی بێت، ڕۆژی ٧ی ١٢ی ٢٠١٩ یەکێتی کۆنگرەی چوارەمی خۆی دەبەستێت.





ئەم هەواڵە 1972جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad