English | عربی | Kurdî دواهەواڵ
ڕاستەوخۆ  
 
"هۆكاری دواكەوتنی پڕۆژەیاسای چاكسازی، هەندێك لایەنی سیاسین نەك حكوومەت"
2019-11-03 [10:30 AM]

ZNA- هه‌ولێر


ئەندامێكی لیژنەی هاوبەشی حكوومەت و پەرلەمان بۆ ئامادەكردنی پڕۆژەیاسای چاكسازی گوتی، حكوومەتی هەرێم بۆ تەواوكردنی پڕۆژەیاساكە چاوەڕێی بیروبۆچوونی لایەنەكان دەكات و تاوەكو ئێستاش بەشێك لە لایەنەكان بۆچوونی خۆیان ئاراستەی حكوومەت نەكردووە، بۆیە هۆكاری دواكەوتنی پڕۆژەیاساكە، بەشێك لە لایەنەكانن نەك حكوومەت. پەرلەمانتارێكی پارتیش دەڵێ: "بیروبۆچوونی خۆمان گەیاندووەتە حكوومەت و داوامان كردووە چاكسازی بە یەك پاكێج بكرێت".

محەمەد ئیلخانی، ئەندامی لیژنەی هاوبەشی حكوومەت و پەرلەمان بۆ ئامادەكردنی پڕۆژەیاسای چاكسازی، بۆ ماڵپەڕی فەرمیی پارتی دیموكراتی كوردستان رایگەیاند: "دوای ئەنجامدانی كۆبوونەوەی لیژنەی باڵای هاوبەشی حكوومەت و پەرلەمان، داوا لە لایەنەكان كرا كە بیروبۆچوونی خۆیان رەوانە بكەن بۆ ئەوەی حكوومەت ئامادەی بكات و رەوانەی پەرلەمانی بكات، بەڵام تاوەكو ئێستا بەشێك لە لایەنەكان بیروبۆچوونی خۆیان رەوانە نەكردووە و هەركاتێك رەوانەیان كرد، حكوومەت پڕۆژەیاساكە دەنێرێتە پەرلەمان".

ئیلخانی گوتیشی: "هۆكاری دواكەواتنی پڕۆژەیاسای چاكسازی، بەشێك لە لایەنەكانن نەك حكوومەتی هەرێمی كوردستان، چونكە حكوومەت سوورە لەسەر ئەنجامدانی چاكسازی و پەسەندكردنی ئەو پڕۆژەیاسایە".

لای خۆشیەوە، سەعید هەركی، پەرلەمانتاری فراكسیۆنی پارتی لە پەرلەمانی كوردستان، بۆ ماڵپەڕی فەرمیی پارتی دیموكراتی كوردستان گوتی: "لە ئەنجومەنی وەزیران لیژنەیەكی 11كەسی بۆ ئامادەكردنی پڕۆژەیاساكە بە سەرۆكایەتیی وەزیری داد پێكهاتووە و كاری خۆیان دەكەن، سەرۆكی فراكسیۆنی ئێمە و گۆڕانیش بیروبۆچوونی خۆمان ئاراستەی حكوومەت كردووە و ئێمە لەگەڵ ئەوەین چاكسازی تەنها لە مووچە نەبێت و هەمووی بە یەك پاكێج بكرێت".

هەركی دەشڵێ: "هەر كاتێك پڕۆژەیاساكە گەیشتە پەرلەمان، ئێمە رەنگە هەندێك ئیزافاتمان هەبێت، بەڵام رێگر نین لە بەردەم ئەو پڕۆژەیاسایەدا".

سه‌رچاوه‌: KDP





ئەم هەواڵە 1672جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad