English | عربی | Kurdî دواهەواڵ
ڕاستەوخۆ  
 
ژمارەی دووی گۆڤاری پەیوەندییە گشتییەکان کەوتە بەر دیدی خوێنەران
2019-11-03 [10:03 AM]

هەولێر – ZNA


هونەری ھەشتەم؛ پەیوەندییە گشتییەکان، گۆڤارێکی وەرزییە کۆمەڵەی پەیوەندییە گشتییەکانی کوردستان دەریدەکات و چەندین بابەت و وتار و وەرگێڕان سەبارەت بە بوارەکانی پەیوەندییە گشتییەکان و مارکێتینگ لە خۆ دەگرێت.

 

سەبارەت بە ناوەڕۆکی گۆڤارەکە رسول ساڵح خۆشناو، سەرنووسەری پەیوەندییە گشتییەکان بە ئاژانسی زاگرۆسی راگەیاند: بابەتەکانی گۆڤارەکەمان دوو تەوری سەرەکی لە خۆ دەگرن و ھەوڵمان داوە بابەتەکان گشتگیر بن و لە دوکاندارێک کە حەز دەکات بازارسازی بۆ کەلوپەلەکانی بکات تا بەڕێوەبەر و کادیرانی راگەیاندن و پەیوەندییەکان و  وتەبێژێک کە دەیەوێت سەرکەوتوو بدات، بتوانن سوود لەم گۆڤارە وەربگرن.

 

تەوەری یەکەم لەبارەی تەکنیک و زانستی پەیوەندییە گشتییەکان (راگەیاندن و پەیوەندییەکان) و وتەبێژی لە خۆ دەگرێت و تەوری دووەم سەبارەت بە بازاڕسازی و تەکنیکەکانی بابەتمان ھەیە.

 

خۆشناو، سەرۆکی کۆمەڵە و سەرنووسەری گۆڤار گوتیشی: بە داخەوە پەیوەندییە گشتییەکان کە زانست و تەکنیکێکی سەردەمە لە ھەرێمی کوردستان زۆر ناسراو نییە، بۆیە ئێمە بۆ پەرەپێدانی زیاتر بەم زانستە، پێمان باش بوو ئەم گۆڤارە دەربکەین، بۆ ئەوەی خوێنەری کورد سوودی لێوەربگرێت و زیاتر ئاشنای ئەم زانستە ببێت.

 

خۆشناو سوپاسی نووسەران و سپۆنسەرانی گۆڤارەکەی کرد کە ئەم دیارییەیان پێشکەشی کتێبخانەی کوردییان کردووە و ھیوای خواست ئەم گۆڤارە بە ھاوکاری ھەموو لایەک بەردەوام بێت.

 

 





ئەم هەواڵە 1339جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad