English | عربی | Kurdî دواهەواڵ
ڕاستەوخۆ  
 
توك توكی پلاسخارت ده‌خرێته‌ مه‌زاد
2019-11-03 [11:01 AM]

ZNA- هه‌ولێر


تاریق حه‌رب، شاره‌زا له‌ یاسای عێراقی رایگه‌یاند، ئه‌و توك توكه‌ی جینین هێنیس پلاسخارت، نێرده‌ی تایبه‌تی نه‌ته‌وه‌ یه‌كگرتووه‌كان له‌ عێراق (یونامی)، كه‌ له‌ گۆڕه‌پانی ته‌حریر و له‌ناو خۆپیشانده‌ران سه‌ریكه‌وتووه‌، خراوه‌ته‌ زیادكردنی ئاشكرا.

تاريق حه‌رب به‌ میدیا عێراقییه‌كانی راگه‌یاندووه‌، ئه‌و توك توكه‌ی پلاسخارت به‌كاریهێناوه‌، خراوه‌ته‌ زیادكردنی ئاشكرای جیهانی، ئه‌وه‌ش به‌وپێیه‌ی كه‌ ئامرازێكی ناوازه‌ی گه‌یاندن له‌لایه‌ن كه‌سایه‌تییه‌كی جیهانی و له‌ بۆنه‌یه‌كی تایبه‌ت به‌كارهاتووه‌، ئه‌ویش خۆپیشاندانه‌كانی گۆڕه‌پانی ته‌حریری به‌غدایه‌.

ئه‌و شاره‌زا یاساییه‌ پێیوایه‌، توك توكه‌كه‌ تایبه‌تمه‌ندی كات و شوێنی هه‌یه‌ و ناوبانگه‌كه‌ی به‌قه‌د ناوبانگی ئه‌و ئۆتۆمبێلانه‌ رۆیشتووه‌ كه‌ له‌لایه‌ن ئه‌كته‌ره‌كانی هۆلیووده‌وه‌ به‌كارهێنراون.

توك توك، ماتۆرێكی سێ تایه‌یه‌ و رۆڵێكی دیار و به‌رچاوی هه‌یه‌ له‌ خۆپیشاندانه‌كانی ئۆكتۆبه‌ر له‌ عێراق و به‌ تایبه‌تیش به‌غدای پایته‌خت، له‌ گه‌یاندنی برینداران و ئه‌و كه‌سانه‌ی تووشی ته‌نگه‌نه‌فه‌سی ده‌بن له‌ شوێنه‌ قه‌ره‌باڵغه‌كان و ئۆتۆمبێله‌كانی فریاگوزاری و ئامبولانس ناگه‌نه‌ شوێنه‌كه‌.

توك توك به‌هۆی بچووكی قه‌باره‌كه‌ی توانیویه‌تی بگاته‌ ئه‌و شوێنانه‌ و به‌ په‌له‌ برینداران بگوازێته‌وه‌ نه‌خۆشخانه‌كان، به‌و هۆیه‌وه‌ش له‌لایه‌ن خۆپیشانده‌رانی عێراقه‌وه‌، به‌ شیعر و گۆرانی پێداهه‌ڵگه‌وتن، شۆفێرانی په‌سن ده‌كرێن.





ئەم هەواڵە 3757جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad