English | عربی | Kurdî دواهەواڵ
ڕاستەوخۆ  
 
پێشنیازی یاسای هێزكاری ته‌ندروستی پێشكه‌شی سه‌رۆكایه‌تیی په‌رله‌مانی كوردستان ده‌كرێت
2019-11-04 [10:34 AM]

ZNA- هه‌ولێر


به‌مه‌به‌ستی دواین داڕشتنی پێشنیازی یاسای هێزكاری ته‌ندروستی، نیوه‌ڕۆی ئه‌مڕۆ دووشه‌مه‌ 4/11/2019، لیژنه‌ی كاروباری ته‌ندروستی و ژینگه‌و مافی به‌كاربه‌ر له‌ په‌رله‌مانی كوردستان به‌سه‌رپه‌رشتیی د.سه‌باح مه‌حمود سه‌رۆكی لیژنه‌و ئاماده‌بوونی جێگرو بڕیارده‌رو ئه‌ندامان و ڕاوێژكارانی لیژنه‌كه‌ كۆبوونه‌وه‌ی ئاسایی خۆی ئه‌نجامدا.

ته‌وه‌ری سه‌ره‌كیی كۆبوونه‌وه‌كه‌ بریتی بوو له‌ دواین داڕشتنی پێشنیازی یاسای هێزكاری ته‌ندروستی به‌مه‌به‌ستی پێشكه‌شكردنى به‌ده‌سته‌ی سه‌رۆكایه‌تیی په‌رله‌مان و دوای گفتوگۆو ڕاوێژو چاككردنی كه‌موكوڕییه‌كانی ناو پێشنیازه‌یاساكه‌و به‌زۆرینه‌ی ده‌نگی ئه‌ندامان په‌سه‌ندكراو پێشكه‌ش به‌ سه‌رۆكایه‌تیی په‌رله‌مان دەکرێت بۆئه‌وه‌ی له‌ زووترین كاتدا بخرێته‌ به‌رنامه‌ی كارو خوێندنه‌وه‌ی بۆ بكرێت و په‌سه‌ند بكرێت.


له‌به‌شی دووه‌می كۆبوونه‌وه‌كه‌دا زانا مه‌لا خالید سه‌رۆكی لیژنه‌ی ده‌رمان كه‌ لیژنه‌یه‌كی لاوه‌كیی پێكهێندراوى لیژنه‌ی ته‌ندروستییه‌ سه‌رجه‌م زانیاری و داتاكان كه‌ له‌ ئه‌نجامی به‌دواداچوون و سه‌ردان و كۆبوونه‌وه‌كان ده‌ستیان كه‌وتووه‌ له‌سه‌ر كه‌رتی ده‌رمان و كۆمپانیاو ده‌رمانخانه‌كان له‌ڕاپۆرتێكدا خستیه‌ڕوو بۆ به‌رچاوڕوونی و كاری پێویست و بڕیاردرا ئاراسته‌ی سه‌رۆكایه‌تیی په‌رله‌مان بكرێت بۆ كار كردن له‌سه‌ری و ناردنی بۆ لایه‌نی په‌یوه‌ندیدار.





ئەم هەواڵە 2260جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad