English | عربی | Kurdî دواهەواڵ
ڕاستەوخۆ  
 
حكوومەت سندوقی هاوكاری بۆ خەڵكی هه‌ژار و كەمدەرامەت دروست دەكات
2019-11-05 [05:18 AM]

​ZNA – هه‌ولێر


وەزارەتی كار و كاروباری  كۆمەڵایەتی سندوقی هاوکاری بۆ هەژاران و كەمئەندامان دروست ده‌كات  و بۆ ئەو مەبەستەش ڕێنمای پێویست دەردەكات.

فواد سدیق، بەرێوەبەری گشتی دیوانی وەزارەتی كاروكاروباری كۆمەڵایەتی بە باسی راگەیاند: "سندوقێكی هاوكاری دروست دەكرێ ، ئەو سندوقە بۆ ئەو كەسانەیە كەمئەندامن یان  هیچ دەرامەتێكیان نیە و پێویستیان بەهاوكاریە، رۆژانە سەدان  كەس روو لە وەزارەتمان دەكات هەیە منداڵی نەخۆشی هەیە، هەیە كەمئەندامە یان هەژارە نەشتەرگەری و چارەسەری پێویستە، ئێمەش توانامان نیە هیچ هاوكاریان بكەین بۆیە ئەو سندوقە بۆ هاوكاریانە دروست دەكرێ".

سدیق گوتیشی: "لیژنەیەكمان داناوە بۆ دروستكردنی سندوقەكە، لیژنەكە رێنمایی تایبەت دەردەكات و میكانیزمی دروستكردنی سندوقەكەش دەگرێتەبەر".

بەرێوەبەری گشتی دیوانی وەزارەتی كاروكاروباری كۆمەڵایەتی روونی كردەوە: بەشێكی زۆری كۆمەكی بۆ سندوقەكە لە رێگەی سەرمایەداران و خودا پێداوان دەبێت، ئێستا دەوڵەمەندەكان پارەیان دەدەنه‌ بەرێوەبەرایەتیەكانی ئۆتیزم و كەمئەندامان، ئەو كاتە دەیدەنە سندوقەكە و لە رێگەی میكانیزمی تایبەت پارەكە دەدرێتە ئەو كەسانەی كە شایستەی هاوكارین".

ئه‌و ده‌شڵێت:  هەوڵیش دەدرێت حكوومەتیش بڕێك پارە بۆ سندوقەكە دابین بكات، جارێك نازانین داهاتی سندوقەكە چەند دەبێت،بەڵام چاوەڕوانی ئەوە دەكەین پارەیەكی باش كۆبكرێتەوە بە تایبەت لە لایەن سەرمایەداران و خێرخوازان ،سندوقەكەش بەردەوام دەبێت و پارەی تێدەكرێت".

لە رێگەی سندوقەكە هاوكاری كەمئەندامان و هەژاران دەكرێت لە كانی نەخۆشی هاوسەرگیری لەگەڵ پێدانی هاوكاری بۆ پرسە و بۆنەكان.

لە هەرێمی كوردستان نزیكه‌ی 100 هەزار كەمئەندام و خاوەن پێداویستی هەیە، هەروەها  رێژەی هەژاریش نزیكه‌ی 6% .

 





ئەم هەواڵە 2629جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad