English | عربی | Kurdî دواهەواڵ
ڕاستەوخۆ  
 
چاپی دووەمی کۆبەرهەمی کەریم دەشتی بڵاوکرایەوە
2019-11-05 [11:00 AM]

هەولێر – ZNA


چاپی دووەمی کۆبەرهەمی شیعریی "ئەزموونی شیعریی و ئەدەبیم، كۆكردنه‌وه‌ی شه‌ونمی شیعر"ـی نووسەر و شاعیر کەریم دەشتی بڵاوکرایەوە.

 

ئەم بەرهەمە ئەزموونی شاعیر هه‌ر له ‌ساڵانی هه‌شتاوه‌ تا ساڵی 2010 لەخۆدەگرێت و چاپی دووەمی له‌ لایه‌ن ده‌زگای چاپ و بڵاو كردنه‌وه‌ی وه‌زاره‌تی رۆشنبیریی حكومه‌تی هه‌رێمی كوردستان چاپ بووه‌.

 

چاپی یه‌كه‌می کتێبەکە له‌ لایه‌ن ئه‌كادیمیای كوردی بوو و بریتییه‌ له ‌206 لاپه‌ڕه‌ و دەشتی باس له‌ چۆنیه‌تی نووسین و دیدگای شیعری و سه‌رده‌مه‌كان دەکات.

 

كەریم دەشتی، نووسەر، شاعیر و وەرگێڕ، ساڵی 1955 لەدایكبووە، ساڵی 1980 كۆلێژی یاسای لە بەغدا تەواوكردووە، لە 1978ـەوە دەستی بە نووسین و وەرگێڕان كردووە، پێشتر سكرتێری نووسینی رۆژنامەی ستایل بووە كە بڵاوکراوەیەکی ئەدەبی و فیكری بووە.

 

 
دەشتی زیاتر لە 20 دیوان و كتێبی شیعریی بڵاوكردووەتەوە، یەكەم بەرهەمی بەناوی "خاك و هەڵۆ" بوو کە لە ساڵی 1980 بڵاوكراوەتەوە.
 
جگە لە نووسینی شیعر، سێ نۆڤلێت و رۆمانێكیشی بە چاپ گەیاندووە، هەروەها لە بواری وەرگێڕان و بەرهەمی دیكەی ئەدەبیدا، خاوەنی چەندین كتێبە و بەشێك لە شیعرەكانی بۆ زمانی عەرەبی، ئینگلیزی و فارسی وەرگێڕدراون.




ئەم هەواڵە 1495جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad