English | عربی | Kurdî دواهەواڵ
ڕاستەوخۆ  
 
خۆپیشاندانەكان رەوشی عێراق ئاڵۆزتر دەكەن
2019-11-07 [06:05 AM]

ZNA- ھەولێر


خۆپیشاندان و ناڕەزایەتییەکانی بەغدا و چەند شارێکی دیکەی عێراق بەردەوامن سەدان چالاکوانی خۆپیشاندانەکانیش لەلایەن هێزە ئەمنییەکانەوە رفێنراون.

چەند سەرچاوەیەك ئەوە دەخەنەڕوو، لە کاردانەوەی بەردەوامیدان بە خۆپیشاندان و ناڕەزایەتییەکانی بەغدا و شارەکانی دیکە، هێزە ئەمنییەکان و گرووپە چەکدارەکانی دیکە، دەستییان بە هەڵمەتێکی رەشبگیری و رفاندنی چالاکوانانی خۆپیشاندانەکان کردووە.

بەگوێرەی هەواڵی چەند سەرچاوەیەکی عەرەبی، دەزگای هەواڵگری عێراق و هێزەکانی سوات، سەدان کەسییان لەگەڕەکەکانی ئیسکان، وەشاس، عەلاوی لە رۆژئاوای بەغدا و هەروەها ناوچەکانی ساڵحییە، دەورووبەری گۆڕەپانی تەحریر، حوسەینییە، سەدر، کازمییە، حەی ئور، مەشتەل و بەغداد جەدیدە دەستگیرکردووە، لە شارەکانی دیکەش بە هەمان شێوە سەدان کەس دەستگیرکراون.

پێشتریش، کۆمسیۆنی مافەکانی مرۆڤ لە عێراق، دەستگیکردنی ئەو کەسانەی بە پرۆسەی رفاندنی رێکخراو پێناسەکردووە و داوای ئاشکراکردنی چارەنووسی سەرجەم دەستگیرکراوانی کردووە.

ھاوكات جارێکی دیکە نەتەوە یەکگرتووەکان لەسەر خۆپیشاندانەکانی عێراق هاتە دەنگ و لە راگەیەنراوێکی رێکخراوەکەدا هاتووە، بەگوێرەی راپۆرتەکان، هێزە ئەمنییەکانی عێراق، لەسەر تەقەکردن لە خۆپیشاندەران بەردەوامن، ئەمەش مایەی نیگەرانییە و پێویستە دان بەخۆداگرتن هەبێت و لێکۆڵینەوەیەکی روونیش لە رووداوەکانی ئەمدواییە ئەنجام بدرێت.

هەروەها نەتەوە یەکگرتووەکان، داوای گفتوگۆی نێوان حکوومەت و خۆپیشاندەرانی کردووە.

پێشتریش چەندینجار، نەتەوە یەكگرتووەكان نیگەرانی لە دۆخی ئێستای عێراق دەربڕیووە.





ئەم هەواڵە 3931جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad