English | عربی | Kurdî دواهەواڵ
ڕاستەوخۆ  
 
حكوومەتی خۆجێی كەركووك بڕیارێکی دادگا جێبەجێ ناکات
2019-11-17 [11:09 AM]

ZNA- هه‌ولێڕ


 كەسایەتییەكی كاكەیی و داكۆكیكاری مافی كەمینەكانی كەركووك، دەڵێ، ئەگەرچی دادگای كەركووك دوو جار بڕیاری داوە، 14 هەزار دۆنم زەویی كاكەییەكان بۆ خاوەنەكانیان بگەڕێتەوە، بەڵام حكوومەتی خۆجێی پارێزگاکە بڕیاری دادگا جێبەجێ ناكات.

 

ڕەجەب كاكەیی، بە ماڵپەڕی فەرمیی پارتی دیموكراتی كوردستانی ڕاگەیاند: "حكوومەتی خۆجێی كەركووك جگە لەوەی بڕیاری دادگا جێبەجێ ناكات، هانی عەرەبەكان دەدا و ئاسانکاریشیان بۆ دەکات، كە زەوی و مڵكی كاكەییەكان بە شێوەی هەمیشەیی بەكار بهێنن."

 

ئاماژەی بەوەش دا: "ئێستا 14 هەزار دۆنم زەویی ناوچە كاكەیینشینەكانی سنووری كەركووك، بە هاوكاریی حكوومەتی خۆجێی لەژێر دەستی عەرەبەكانە، ئەمە لە كاتێكدا دادگای كەركووك لە ساڵانی 2007 و 2010شدا ئەوەی یەكلا كردووەتەوە، كە ئەو زەوییانە مڵكی كاكەییەكانە، ئەگەرچی بەرنامە هەبوو بۆ ئەوەی بە پلان ئەو عەرەبانە لەو ناوچانە نەهێڵدرێن و، بگەڕێندرێنەوە شوێنی ڕەسەنی خۆیان. بەڵام لە دوای 16ی ئۆكتۆبەرەوە ئەم پلانە نەما، ئێستا كار گەیشتووەتە ئەوەی، ڕاكان جبوری ئاسانكاریی تەواو بۆ هاتنی عەرەبی زیاتر بۆ شوێنە كاكەیینشینەكان دەكات."

 

كاكەیی داوایشی كرد: "هەرچی زووە لایەنە پەیوەندییدارەكان خەمێكی جددی لەو بابەتە بخۆن، بۆ ئەوەی مافی كاكەییەكان بگەڕێتەوە و تەعریبێكی هەمیشەیی بەسەر خاكەكەیاندا نەیەت."





ئەم هەواڵە 1450جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad