English | عربی | Kurdî دواهەواڵ
ڕاستەوخۆ  
 
جێگره‌وه‌ی وه‌رزش ئه‌نجام بده‌ و كێشت دابه‌زێنه‌
2019-11-26 [10:12 AM]

هەولێر ــ ZNA


وه‌رزش یه‌كێكه‌ له‌ باشترین ڕێگاكان بۆ هێشتنه‌وه‌ی جه‌سته‌ی مرۆڤ به‌ ته‌ندروستی، به‌ڵام بۆ زۆر كه‌س كارێكی قورسه‌ و كاتی پێویستیان نییه‌، بۆ ئه‌وه‌ی هێنده‌ی وه‌رزش سوودت پێ بگات و جه‌سته‌ت به‌ ڕێك و گونجاوی بمێنێته‌وه‌ و وه‌رزشیش نه‌كه‌یت، ئه‌وا چه‌ند ڕێگایه‌كی جێگره‌وه‌ی وه‌رزش هه‌ن و له‌ خواره‌وه‌ پێتانی ئاشنا ده‌كه‌ین.


یه‌كه‌م: گه‌ڕان و پیاسه‌كردن، ڕۆیشتن و هه‌نگاونانی زۆر، له‌ وه‌رزشكردنی چڕ و قوڕس زۆر به‌ سوودتر هه‌ژمار ده‌كرێ، بۆیه‌ ئه‌گه‌ر ڕۆژانه‌ به‌لایه‌نی كه‌م 30 خوله‌ك به‌ پێ بڕۆن، ئه‌وا سوودی زۆر به‌ جه‌سته‌ و ته‌ندروستیتان ده‌گات.


كه‌سانێك هه‌ن ئه‌نجامدانی وه‌رزشی چڕ به‌لایانه‌وه‌ قوڕسه‌، به‌ڵام ده‌توانن سوود له‌م هه‌نگاوانه‌ ببینن و هه‌مان سوودی وه‌رزشكردنیش به‌ جه‌سته‌یان بگه‌یه‌نن


دووه‌م: سه‌ماكردن، جیا له‌وه‌ی هه‌ستێكی شاد و خۆشیت پێ ده‌به‌خشێ، هاوكات سوودی زۆریشی بۆ ته‌ندروستی و جه‌سته‌ هه‌یه‌ و به‌ وه‌رزشێكی شاد و زۆر خواست له‌سه‌ر ناو ده‌برێ، جووڵه‌كردن و هه‌ڵبه‌ز و دابه‌زی و هه‌نگاوی گه‌وره‌ی سه‌ماكردن، هه‌موو ئه‌وانه‌ وه‌رزشن و ماسوولكه‌ و ئه‌ندامانی جه‌سته‌ ده‌جووڵێنن و چه‌وری زیاده‌ له‌ جه‌سته‌ ناهێڵن و جه‌سته‌ به‌ ڕێك و ته‌ندروستی ده‌هێڵنه‌وه‌.


سێیه‌م: په‌تپه‌تێن، ئه‌مه‌ به‌ بڕوای هه‌ندێ كه‌سه‌وه‌ جۆرێكه‌ له‌ چێژ بینین و پێشبڕكێ، بۆ نموونه‌ كێ ده‌توانێ زیاتر ئه‌م كاره‌ ئه‌نجام بدات و ژماره‌یه‌كی زۆرتر په‌تپه‌تێن بكات، كاتێك له‌گه‌ڵ هاوڕێكه‌ت ئه‌و جۆره‌ پێشبڕكێیه‌ دروست بكه‌ن، بێ ئه‌وه‌ی بیرت لای ماندووبوون بێ، ده‌توانی وه‌رزشێكی چڕ و پڕ سوود ئه‌نجام بده‌یت.


چواره‌م: یۆگا، به‌ ئارامترین جۆری وه‌رزش داده‌نرێ، كه‌ هه‌موو له‌ ڕووی ده‌روونی و رووحییه‌وه‌، هه‌م له‌ ڕووی جه‌سته‌یییه‌وه‌ زۆرترین سوودت پێ ده‌گات، شه‌وان به‌ر له‌ خه‌وتن و له‌ناو جێگا یان به‌یانیان زوو كه‌ له‌ خه‌و هه‌ڵده‌ستن ده‌توانن چه‌ند كردارێكی یۆگا ئه‌نجام بده‌ن و زۆرترین سوودتان پێ ده‌گه‌یه‌نێت و خه‌وێكی ئارام و ڕۆژێكی شاد و كامه‌رانتان بۆ ده‌سته‌به‌ر ده‌كات.





ئەم هەواڵە 8713جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad