English | عربی | Kurdî دواهەواڵ
ڕاستەوخۆ  
 
ئه‌لبانیا... به‌هۆی بوومه‌له‌رزه‌یه‌كی به‌هێز سه‌دان كه‌س كوژران و برینداربوون
2019-11-26 [12:56 PM]

ZNA - هه‌ولێر


 

بەرەبەیانی ئەمڕۆ سێشەممە لە باکوری ڕۆژئاوای پایتەختی ئەلبانیا بوومه‌له‌رزه‌یه‌كی به‌هێز به‌ گوڕی 6.4 به‌ پله‌ی ریخته‌ر روویدا، له‌ ئه‌نجامدا 14 کەس گیانیان لەدەستداوە و نزیکەی 600 کەسیش برینداربوون.

وەزارەتی بەرگری ئەلبانیا ئاماری قوربانیانی بوومه‌له‌رزه‌كه‌ی ڕاگەیاند و وتی، بە سەدان سەربازیان ڕەوانەی ئەو ناوچانە کردووە کە زیانیان پـێگەیشتووە لە ئاکامی ئەو بومەلەرزەیەی بە گوڕی 6.4 پـلە بە پـێوەری ڕێختەر و لە قوڵایی 20 کیلۆمەتر لە ناوچەیەکی دابوو کە 30 کیلۆمەتر لە تیرانای پایتەختەوە دورە.

بەپـێی دەزگای جیۆلۆجی ئەمەریکا بۆ چاودێری بومەلەرزە لە جیهاندا، چوار بومەلەرزەی دیکەش لە دەوروبەری ئەو ناوچەی داوەتەوە کە یەکێکیان گوڕەکەی 5.4 پـلە بووە.

بەپـێی شارەزایەکی جیۆلۆجی ئەلبانیا، لە ساڵی 1926 وە بومەلەرزەی وەها بەهێز لەو ناوچەیەی نەداوە.

بومەلەرزەکە هێندە بەهێز بووە لە چەندان شاری ناوچەی بەڵقان هەستی پـێکراوە، لەوانە سەرایڤۆی پایتەختی بۆسنیا کە نزیکەی 400 کیلۆمەتر لە شوێنی بومەلەرزەکەوە دورە و هەروەها لە شاری نوڤی ساد لە سڕبیا کە 700 کیلۆمەتر دورە.

شارۆچکەی تومانی کە تەنیا پێنج کیلۆمەتر لە چەقی بومەلەرزەکەوە دورە، زۆرترین زیانی پـێگەیشتووە. لەوێ بینایەکی پێنج نهۆمی هەرەسی هێناوە و لە ئێستادا تیمەکانی فریاگوزاری هەوڵی دەرهێنانی قوربانیـیەکان دەدەن.

هاوکات وزەی کارەبا لە چەندان شوێنی ناوچەکە بڕاوە و خەڵکی لە ترسا و بەم سەرمایە ناوێرن لە ماڵەکانیاندا بن، بۆیە لەشکر خێوەتی بۆ هەڵداون.

جێی ئاماژەیە ئەلبانیا هەژارترین وڵاتی ئەوروپایە.

 

voa





ئەم هەواڵە 2695جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad