English | عربی | Kurdî دواهەواڵ
ڕاستەوخۆ  
 
بەم هەنگاوانە خۆت لە جەڵتەی دڵ بپارێزە
2019-12-02 [09:44 AM]

هەولێر ــ ZNA


 

هەموومان لە جەڵتەی دڵ دەترسین، لەکاتێكدا جەڵتەی دڵ تووشی هەمووان نابێت، ئەوانەی خۆیان دەپارێزن و چەند هەنگاوێك جێبەجێدەکەن، لە جەڵتەی دڵ دوودەبن، ئەمانە چەند هەنگاوێکن بۆ رێگریکردن لە جەڵتەی دڵ و چاکبوونەوەی دوای نەخۆشییەکە:

1-    واز لە جگەرەکێشان بهێنە

باشترین هەنگاو بۆ دووربوون لە جەڵتەی دڵ و رێگریکردن لە دووبارەبوونەوەی حاڵەتەکە، وازهێنانە لە جگەرەکێشان.

2-    پەستان و شەکری خوێن کۆنتڕۆڵ بکە
تەنیا پەستان، شەکری خوێن یان هەردووکیانت بەرزبن، ئەوا سەردانی پزیشكی تایبەتمەندی نەخۆشییەکانی دڵ بکە، چونکە بەرزبوونەوەی پەستانی خوێن زیان بە بۆڕییەکانی خوین دەگەیێنێت.

3-    سەردانی پزیشك بکە
زۆربەی هۆکارەکانی جەڵتەی دڵ کە خۆیان لە بەرزی پەستانی خوێن، شەکری خوێن و چەوری خوێن دەبیننەوە نیشانەیان نییە، بۆیە پێویستە بەپێی پلانێکی رێک سەردانی پزیشك بکەیت، تاوەکو پشکنینی تایبەتت بۆ ئەنجامبدات و نەخۆشییەکانت دیاریبکات.

4-    وەرزش بکە
وەرزشی رێک دەتوانێت ماسولکەکانی دڵ و فرمانیان باشتر بکات و رێگری لە جەڵتەی دڵ دەکات، بە رێکخستنی پەستانی خوێن، شەکری خوێن و دابەزینی کێشت، بەڵام ئەوە بزانە مەرج نییە وەرزشەکەت زۆر بەهێز و ماندووکەرانە بێت،  30 خولەک لە رۆژێكدا و 5 رۆژ لە هەفتەیەکدا بەسە بۆ تەندروست هێشتنەوەی دڵ و ماسولکەکانی.

5-    کێشت رێکبخە
کێشی زیادە بەهۆکاری سەرەکی نەخۆشیی بەرزی پەستانی خوێن، شەکری خوێن و زیادبوونی چەورییە زیانبەخشەکانی خوێن دادەندرێ، بۆیە دووربە لە کێشی زیادە.

6-    خۆراکی تەندروست بخۆ
چەورییە زیانبەخشەکان زیان بە دیواری خوێنبەرەکان دەگەێنن و تووشی تەسکبوونەوەیان دەکەن، هەروەها خوێیەکان هۆکارن بۆ بەرزبوونەوەی پەستانی خوێن، لەبەرئەوە خۆراکی تەندروستی دڵت بخۆ کە پێکدێت لە پڕۆتین، سەوزە و میوە و پاقلەمەنییەکان.

7-    چارەسەری شەکرە بکە
شەکری خوێن دڵ لەنێو دەبات، بەپێچەوانەوە وەرزشی رێک، خۆراکی تەندروست، دابەزاندنی کێش یارمەتیدەرن بۆ تەندروستهێشتنەوەی دڵ و رێكخستنی شەکری خوێن، بەڵام سەرباری ئەوانەش هەندێک کەس پێویستییان بە دەرمان هەیە.

8-    گوشاری دەروونی کەمبکەرەوە 
گوشاری دەروونی کەمبکەرەوە و بەشێوەیەکی تەندروست خۆت لەگەڵ گوشاری رۆژانە رابهێنە و کەمیبکەوە.

9-    کهول کەمبکەوە
پێویستە کهول نەخورێتەوە، یاخود بەشێوەیەکی بەرچاو کەمبکرێتەوە و نەگاتە هەفتەی جارێك بۆ خانمان و بەتەمەنەکان لە پیاواندا.





ئەم هەواڵە 1156جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad