English | عربی | Kurdî دواهەواڵ
ڕاستەوخۆ  
 
سلێمانی... لیژنه‌ هاوبه‌شه‌كان ئامارى كارى مانگى رابردوویان بڵاوكرده‌وه‌
2019-12-02 [03:37 AM]

ZNA - هەولێر


 

لە راگەیەنراوێكی قایمقامیەتی سلێمانی كە وێنەیەكی بۆ ئاژانسی هەواڵی زاگرۆس هاتووە، تێیدا دەڵێت، به‌پێى ئامارى مانگى رابردووى لیژنه‌ هاوبه‌شه‌كانى قائیمقامیه‌ت ژماره‌ى سه‌ردان و داخستن و بڕى ته‌له‌ف كه‌میكردووه‌، قائیمقامى سلێمانیش ده‌ڵێت هاوڵاتیان له‌ جاران زیاتر چاودێرى شمه‌ك و خۆراكه‌كان ده‌كه‌ن.

 

به‌پێی ئه‌و ئاماره‌ى كه‌ لیژنه‌هاوبه‌شه‌كانی قائیمقامییه‌تی سلێمانی بڵاویان كردووه‌ته‌وه‌ له‌ مانگى (11) تشرینى دوومدا لیژنه‌كان سه‌ردانى (4) هه‌زار و (920) شوێنیان كردووه‌ و له‌ پابه‌ندبون و جێبه‌جێ كردنى مه‌رج و رێنماییه‌ ته‌ندروستیه‌كانیان كۆڵیوه‌ته‌وه‌، له‌ كۆى گه‌ڕان و به‌سه‌ركردنه‌وه‌كانیان، به‌هۆی پابه‌ندنه‌بوون به‌ مه‌رج و رێنماییه‌ ته‌ندروستی ژینگه‌یى و ڤێتێرنه‌رییه‌كانه‌وه‌ (953) شوێن پسوڵه‌ى سه‌رپێچی بۆ كراوه‌ و (642) شوێنیش ئاگاداركراونه‌ته‌وه‌ كه‌ پابه‌ندی مه‌رج و رێنماییه‌كان بن. به‌هۆی جۆره‌كانى سه‌رپێچیشه‌وه‌ (29) شوێن داخراون  و (9) شوێنیش به‌هۆى ئه‌و سه‌رپێچیانه‌ى كه‌ كردوویانه‌ رووبه‌ڕووى دادگا كراونه‌ته‌وه‌.

 

له‌ ئاماره‌كه‌دا هاتووه‌، له‌ مانگی (11)دا بڕی  (36.960) سی‌و شه‌ش هه‌زار و نۆسه‌د‌و شه‌ست تۆن موادو خۆراكی ماوه‌به‌سه‌رچوو له‌ ناوبراوه‌، كۆی گشتی پاره‌ی غه‌رامه‌كراویش له‌و مانگه‌دا بریتییه‌ له‌ (34) ملیۆن و (250) هه‌زار دینار، كه‌ به‌پێی  یاساو رێنماییه‌كانى وه‌زاره‌تى دارایى هه‌رێم ده‌خرێته‌وه‌ سه‌ر داهاتی گشتی.

به‌راورد به‌ مانگى (10) سه‌ره‌ڕاى ئه‌وه‌ى سه‌ردانه‌كان به‌رێژه‌یه‌ك كه‌میان كردووه‌، به‌ڵام ژماره‌ى سه‌رپێچى و ئاگاداركردنه‌وه‌كان زیادیان كردووه‌، بڕى خۆراك و شمه‌كى ته‌له‌فكراویش له‌مانگى یانزه‌دا كه‌میكردووه‌، به‌جۆرێك له‌ (51)هه‌زار تۆنه‌وه‌ بووه‌ به‌ نزیكه‌ى (37) تۆن.

 

به‌ پێی رێنماییه‌كانی لیژنه‌ هاوبه‌شه‌كان هه‌رشوێنێك پابه‌ند نه‌بێت، سه‌ره‌تا ئاگادار ده‌كرێته‌وه‌، دواتر سزای ماددی ده‌درێن و له‌ ئه‌گه‌رى دووباره‌كردنه‌وه‌ی سه‌رپێچیه‌كاندا رووبه‌رووی داخستن یان دادگا ده‌كرێنه‌وه‌.

 

ئاوات محه‌مه‌د- قائیمقامى سلێمانیش ئاماژه‌ى به‌وه‌ كرد تێبینى ده‌كرێت هاوڵاتیان شانبه‌شانى لیژنه‌ هاوبه‌شه‌كان چاودێرى ئه‌و دووكان و ماركێتانه‌ ده‌كه‌ن كه‌ شمه‌ك و خۆراكیان لێ ده‌كڕن, ئه‌وه‌ش وایكردووه‌ پابه‌ندبوون به‌ مه‌رج و رێنماییه‌كانه‌وه‌ له‌لاى دووكان و شوێنه‌ گشتییه‌كان زیاتر ببێت.

 

 

 





ئەم هەواڵە 3466جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad