English | عربی | Kurdî دواهەواڵ
ڕاستەوخۆ  
 
گفتوگۆیەكی كراوە بۆ بەرەنگاربوونەوەی توندوتیژی بەڕێوەچوو
2019-12-02 [03:38 AM]

ZNA - هەولێر


ئەمڕۆ دووشەممە لەهۆڵى ڤیدیۆ کۆنفرانس لە چوارچێوەى هەڵمەتى بەرەنگاربوونەوەى توندوتیژى کە بە ئاماژدەبوونی وەزیری خوێندنی باڵا و نوێنەرى سەرۆکى پەرلەمانى کوردستان و سەرۆکى لیژنەى داکۆکىکردن لەمافى ژنان لە پەرلەمان و ڕاوێژکار و بەرێوەبەرانى گشتى و بەڕێوەبەرى سێنتەرکانى جێندەرناسى لەزانکۆکانى کوردستان، بەناونیشانى خوێندنی جێندەر لە زانکۆکانی کوردستان گفتوگۆیەکى کراوە بەڕێوەچو.

 

 لەمیانەى پێشکەش کردنى وتەکەیدا وەزیرى خوێندنى باڵا و توێژینەوەى زانستى لەپاڵ دەربڕینى خۆشحاڵى خۆى بە بەشدارى کردنى لەم سیمینارە کەتایبەت بو بە پرۆگرامی خوێندنی بابەتی جێندەر لە زانکۆکانی کوردستان، سوپاسى ئامادەبوانى کردو وتى: پرسی جێندەر یەکێکە لە پرسە گرنگ و هەستیارەکانی کۆمەڵگەکەمان، کە بەداخەوە  کۆمەڵگەی ئێمەو کلتورەکەشى بەدەر نین لە تێڕوانینى هەڵەو لێکدانەوەى نا زانستى و تەنانەت زۆر جاریش بە کەم بینین و کەمکردنەوە لە تواناو لێهاتویەکانى خانمان، بۆ ئەوەش ڕایگەیاند: ئێمە دەبێت لە ڕوی ئابوری و پەروەردەیی و کلتورییەوە  زەمینەی بەشداری ڕاستەقینەی خانما ن برەخسێنین .

 

د.ئارام محەمەد قادر وتیشى: وەک وەزارەتی خوێندنی باڵا لە هەنگاوەکانی یەکەمماندا لەسەر ئاستی وەزارەت لێژنەی تایبەتمان بۆ پرسی یەکسانی جێندەرى پێکهێناوە، هەروەها لەهەمو زانکۆکانی کوردستان سێنتەری  جێندەناسیمان دامەزراندوە، ڕونیشى کردەوە کە هەرچەندە پرسی خوێندنی بابەتی جێندەر لە زانکۆکانی کوردستان هەنگاوێکی ئەرێنی و پڕبایەخە، بەڵام دەبێت ئەو ڕاستیەمان لە پێش  چاو بێت کە  بەهاو نۆرم و بنەماکانی یەکسانی جێندەر دەبێت بەوردی لە تەواوی سیستمی پەروەردەی و پێداگۆجی هەرێمەکەماندا ڕەنگبداتەوە. وتیشى:  کۆمەڵێک ئاماژەی پۆزەتیڤ هەن دەربارەی ڕۆڵ و ئامادەیی خانمان لە کەرتى خوێندنى باڵا، بۆ نمونە کچان ڕێژەى (٥٢%)ى خوێندکارانی قۆناخی بەکالۆریۆس پێکدەهێنن، لە نێو مامۆستایانیشدا ڕێژەى خانمان (٣٥%)ە. و لە نێو سەرکردە ئەکادیمیەکانیشدا ژنان ڕێژەی (٨%) یان هەیە.

 

لەلایەن خۆشیەوە لەنجە دزەیى سەرۆکى لیژنەى داکۆکى کردن لەمافى ژنان لەپەرلەمانى کوردستان وتارى سەرۆکى پەرلەمانى کوردستانى خوێندەوەو تیایدا ئاماژەى بۆ پرسى جێندەر و کارو هەنگاوەکانى پەرلەمانى کوردستان لەو چوارچێوەیەدا کردو گرنگترین ئەو یاسایانەى ڕونکردەوە کە ئێستا لەهەرێمى کوردستان بۆ پاراستنى مافى ژنان بەرکارن و وتى: هەوڵ بۆ هەموارکردنى هەندێ یاساش هەن هەر لەچوارچێوەى پاراستنى مافى ژنان لەکۆمەلگەى کوردى، لەنجە دزەیى دڵخۆشى خۆشى بەخوێندنى بابەتى جێندەر لەزانکۆکانى هەرێمى کوردستان دەربڕى و هیواى خواست لەناوەندەکانى خوێندنى بنەڕەتیش بابەتى جێندەر بخوێندرێت.

 

لیژنەى جێندەر لە وەزارەتى خوێندنى باڵا  توێژینەوەى زانستى چەپکە گوڵى یەکسانى جێندەریان پێشکەش بە هەریەک لە وەزیرى خوێندنى باڵا و توێژینەوەى زانستى و نوێنەرى سەرۆکى پەرلەمانى کوردستان و سەرۆکى لیژنەى جێندەر لەدیوانى وەزارەت کرد.

 

لەمیانى پێشکەشکردنى سیمینارێکیشدا د. نەزەند بەگیخانى راوێژکارى سەرۆکى هەرێمى کوردستان بۆ کاروبارى خوێندنى باڵا و جێندەرى، ئاماژەى بە گرنگى خوێندنى جێندەر لەناوەندەکانى خوێندندا کردو چەمکى جێندەرى لەڕووى بنیادى کۆمەڵایەتى بۆ ئامادەبوان ڕونکردەوە.





ئەم هەواڵە 1234جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad