 |
|
|||
ZNA - هەولێر
کۆمەڵەی سوریا بۆ چاودێری مافەکانی مرۆڤ كە بنكەیان لە لەندەنە، ئاشكرای كرد، لە ئەنجامی تۆپـبارانی شارۆچکەی تەل ڕفعەت لەلایەن لەشکری تورکیاوە، 11 کەس کوژراون کە هەشتیان منداڵن و ئاوارەی خەڵکی عەفرینن. ڕامی عەبدولڕەحمان بەڕێوەبەری کۆمەڵەکە گوتی، تۆپـبارانەکە ئەمڕۆ هەینی کراوە و گولـلە تۆپ لە نزیک قوتابخانەیەک کەوتووە لەو کاتەی خوێندکارەکان دەڕۆیشتنەوە و لە ئەنجامدا 11 کەس کوژراون و 21 کەسی دیکە برینداربوون. گوتیشی قوربانیـیەکان خەڵکی عەفرینن. ژمارەیەک لە بریندارەکان برینەکانیان قورسە. تەل ڕفعەت دەکەوێتە پارێزگای حەلەب و لە ڕۆژهەڵاتی عەفرینە و لە ئێستادا زۆربەی ئاوارەکانی خەڵکی عەفرین لەوێ نیشتەجێ بوون. بەپـێی ڕێکەوتنی ساڵی 2018 ی نێوان مۆسکۆ و ئەنکەرە ناوچەی تەل ڕفعەت لە ژێر دەسەڵاتی هێزەکانی حکومەتی سوریا و ڕووسیایە. کۆمەڵەی سوریا ڤیدیۆیەکی بڵاوکردووەتەوە و تیایدا تەرمی قوربانیـیەکان پـیشان دەدات.
voa ئەم هەواڵە 2944جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad