English | عربی | Kurdî دواهەواڵ
ڕاستەوخۆ  
 
سلێمانی رێژه‌ى هاورده‌كردنى به‌روبومى ده‌ره‌كى بۆ مانگى 12 دیارى دەكات
2019-12-02 [03:57 AM]

ZNA - هەولێر


 

لە راگەیەنراوێكدا كە وێنەیەكی بۆ ئاژانسی هەواڵی زاگرۆس هاتووە، رایگەیاند، به‌هۆی زیادبوونی به‌روبومی ناوخۆیی له‌ په‌له‌وه‌ر و ئاژه‌ڵ، رێژه‌ی هاورده‌كرنیان كه‌مده‌كرێته‌وه‌ و قائیمقامى سلێمانیش ده‌ڵێت: وه‌به‌رهێنان له‌ پرۆژه‌ كشتوكاڵییه‌كاندا له‌ گه‌شه‌سه‌ندندایه‌ و بایه‌خى زیاتریش به‌ به‌روبومى ناوخۆیى ده‌ده‌ن .

ئه‌مڕۆ دووشه‌ممه‌ ئاوات محه‌مه‌د قائیمقامی سلێمانی له‌گه‌ڵ لیژنه‌ی دیاریكردنی به‌روبومی ئاژه‌ڵی و په‌له‌وه‌ری پارێزگای سلێمانیدا كۆبووه‌وه‌، پاش هه‌ڵسه‌نگاندن بۆ ئاستی به‌رهه‌مهێنانی به‌روبومی ناوخۆیی بڕیاردرا پێداچونه‌وه‌ به‌بڕی ئه‌و به‌روبوم و پێداویستیانه‌دا بكرێت كه‌ هاورده‌ی پارێزگاكه‌ ده‌كرێت.

ده‌رباره‌ى به‌ربوونى ناوخۆیى قائیمقامى سلێمانى رایگه‌یاند : وه‌ك هه‌میشه‌ بایه‌خ و گرنگى ته‌واو به‌به‌روبونى خۆماڵ و پرۆژه‌ كشتوكاڵییه‌ ناوخۆییه‌كان ده‌ده‌ن و ئه‌و گرنگیپێدانه‌ش له‌ ماوه‌ى رابردوودا رۆڵى گرنگى هه‌بووه‌ له‌ گه‌شه‌سه‌ندنى به‌روبومى ناوخۆی و په‌ره‌دان به‌پرۆژه‌ كشتوكاڵییه‌كان .

له‌ دوای كۆبونه‌وه‌كه‌ش رزگار حمد خدر جێگری به‌ڕێوه‌به‌ری به‌ڕێوه‌به‌رایه‌تی كشتوكاڵی سلێمانی ووتی: به‌هۆی زۆربوونی پرۆژه‌ كشتوكاڵیه‌كان و به‌رز بوونه‌وه‌ی ئاستی به‌رهه‌می ناوخۆ هه‌روه‌ها بۆ پشتگیری جوتیاران و پرۆژه‌ كشتوكاڵییه‌كان، به‌رووبومه‌ په‌له‌وه‌ریه‌كان تا ئاستی له‌سه‌دا 90 به‌رهه‌می ناوخۆ پڕده‌كاته‌وه‌.

ئاماژه‌ی بۆئه‌وه‌ش كرد، له‌ رێژه‌ی به‌روبومه‌ هاورده‌كراوه‌كان ره‌چاوی زیادبوونی به‌رهه‌می ناوخۆ و كه‌مبوونه‌وه‌ی به‌كارهێنان له‌وه‌رزه‌كاندا كراوه‌، لیژنه‌كه‌ بۆ مانگی (12)ی ئه‌مساڵ بڕیاری دا 300 تۆن مریشكى به‌ستوو به‌ ره‌چاوگرتنى پێداویستى بازاڕ و 800 تۆن ماسی و 500 تۆن گۆشتی سور و هه‌روه‌ها رێگه‌ به‌ هاورده‌كردنی سێ هه‌زار و 750 سه‌ر ئاژه‌ڵ بدرێت و هاورده‌كردنى هێلكه‌ش هاوشێوه‌ى مانگه‌كانى تر قه‌ده‌غه‌ بكرێت.

 

 





ئەم هەواڵە 2890جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad