English | عربی | Kurdî دواهەواڵ
ڕاستەوخۆ  
 
كامەیان خراپترینە شەكر یان خوێ
2019-12-22 [12:35 PM]

هەولێر ــ ZNA


زۆر خواردنی  شەكر و خوێ توشی نەخۆشی جیاوازت دەكات، لەگەڵ ئەوەشدا زۆرێك پرسیاری ئەوەیان لا دروست دەبێت كە ئایا خواردنی شەكر زیاتر زیان بە مرۆڤ دەگەیەنێت یاخود خوێ.

پێگەی  چاگ كزداروفی روسی، راپۆرتێكی لەم بارەیەوە بڵاوكردۆتەوە و تێدا هاتووە زۆر بەكار هێنانی شەكر و خوێ دەبێتە هۆی توشبوون بەچەند نەخۆشێك بۆیە پسپۆرانی تەندروستی  پێیان وایە كە دەبێت هەرووكیان بەرێژەیەكی زۆر كەم بەكار بهێنرێن یاخود بخورێن.

رێكخراوی تەندروستی جیهانیش پێیوایە،  زۆر بەكار هێنانی خوێ و زیاد لە پێویست دەبێتە هۆی توشبون بە بەرزە پەستانی خوێن و زیاد بونی نەخۆشیكای دڵ و جەڵتەی مێشك  بۆیە دەڵێت، دەبێت رۆژانە كەمتر لە 5 گرام خوێ بخورێت .

 نوسینگەی هەرێمایەتی رێكخراوەكە لە رۆژهەڵاتی ناوەڕاست دەڵێت،  بەڵگە زانستیەكان  بەرزبونەوەی پەستانی خوێن و خوێ بەیەكەوە دەبەستێتەوە و لەو وڵاتانەی خواردنی خوێ بەرێژەی یەك گرام بۆ هەركەسێك بووە  تێیدا مردن بەهۆی جەڵتەی مێشك و دڵ بەرێژەی 7% كەمتر بۆتەوە.

-نەخۆشی دڵ 
كەمكردنەوەی بڕی  خواردنی خوێ لە 5 گرامەوە لە رۆژێكدا دڵ دەپارێزێت  كە لە ئێستادا نەخۆشیەكانی دڵ هۆكاری یەكەمی مردنی مرۆڤە لەسەرانسەری جیهاندا,و ساڵانە 17.3 ملیۆن كەی لەسەرانسەری جیهان پێشوەختە دەمرن و گیان لەدەست دەدەن و چاوەڕوان دەكرێت ئەو رێژەیە بۆ 23 ملیۆن كەس لەساڵی 2030 دا بەرزبێتەوە 
رێكخراوەكە دەڵێت خۆی سەرچاوەی سەرەكی سۆدیۆمە لە سیستمی خۆراكیدا و دەتوانرێت لە شێوازی  گلوتاماتی سۆدیۆم و ملوریدی سۆدیۆمی دروست بكرێت  لە سەرانسەری جیهاندا بەتەمەنەكان بۆ خواردن بەكاری دەهێنن .
لە زۆربەی وڵاتەكان 80% خوێ لەخواردنە ئامادەكراوەكان دایە وەك نان و پەنیر و سەڵیە و  گۆشتی قوتوو .
بۆیە رێكخراوەكە ئامۆژگاری ئەوە دەكات كە دەبێت رێژەی خوێ لەهەموو سەرچاوەكان لەوانە خواردنی ئامادەكراو و ئەو خواردنانەی لەماڵەوە ئامادە دەكرێت لە 5 گرام كەمتر زیاتر بێت .
-شەكر 
رێكخراوەكە بە پێویستی دەزانێت رۆژانە تەنها بەبڕی 12 كەوچكی بچوك شەكر بخورێت بۆ ئەوەی تەندروستیت پارێزراو بێت و توشی قەڵەوی نەبیت كە دواتر دەبێتە هۆی توشبووون بە چەندین نەخۆشیەوە .
رێكخراوەكە پێی وایە كە دەبێت شەكر بۆ 10% بەكارهێنانی تاك كەمبكرێتەوە واتا دەبێت 50 گرام یان 12 كەوچكی بچووك شەكر بۆ كەسانی پێگەیشتوو و گەورە بخورێت .
پسپۆرانی رێكخراوەكە پێیان وایە كە دەبێت ئەو رێژەیەش بۆ نیو ئەوەندە كەمبكرێتەوە و بكرێتە شەش كەوچك و دەڵێن دەبێت خواردنی تر لە بری شەكرە بخورێت و بۆ ئەو خواردنانەی شەكر تێیدا بەكار دێت بگۆڕن بۆ میوە و سەوزە و شیر 
 شەكر دەبێتە هۆی خراپبونی دەدانەكان چونكە بەكتریای ناو دەم  شەكرەكە هەرس دەكات و شیدەكاتەوە و دواتر جۆرە ترشێك دروست دەكات كە هێرش دەكاتە سەر روی دەدانەكە و دەبێتە هۆی خراپبوون و لەدەستدانی كانزاكان.

 پەیوەندی نێوان شەكر و شیرینی و خراپبونی دەكانەكان پەیوەندیەكە و لەمێژە سەلمێنراوە  كە شەربەت و هەنگوین و دبس و شیرینیەكان دەگرێتەوە.

هەروەها زۆر خواردنی شەكر دەبێتە هۆی  بەد خۆراكی و ئەو كەسە بەها خۆراكیەكانی وەك ڤیتامین و كانزا و كالیسیۆم و ریشاڵی خۆراكی دەست ناكەوێت،  چونكە یەكەی گەرمی زۆر  دەخوات، بەڵام پێكهاتەی بەسودی خۆراكی تێدانییە  و زۆر خواردنی شیرینی و شەكر دەبێتە هۆی زیاد بونی كێش و قەڵەوی .
كەواتە هەردووكیان خراپن. 

لەبەر ئەوەی شەكر و خوێ هەردووكیان خراپ و زیان بەخشن دەبێت كەمبكرێنەوە و زۆر خواردنی هەركامێكیان زیانی خۆی هەیە .
و سیستمی خۆاكی هاوسەنگ و جۆراوجۆر  بەپێی ئامۆژگاریەكانی پزیشك وا دەكات تەندروستی خۆت بپارێزیت و چێژ لەخواردن وەربگریت .   





ئەم هەواڵە 604جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad