English | عربی | Kurdî دواهەواڵ
ڕاستەوخۆ  
 
هۆکار و نیشانەکانی کەم بوونی هێمۆگلۆبینی خوێن
2019-12-24 [11:14 AM]

هەولێر ــ ZNA


هێمۆگلۆبین جۆرێک پرۆتینە کە لە پێکهاتەی خڕۆکە سوورەکانی خوێندا بوونی هەیه. ئەرکی هێمۆگلۆبین ڕاگواستنی ئۆکسیجەنە بۆ بەشە جۆربەجۆرەکانی لەش. هەروەها ئەبێتە هۆی چوونە دەرێی CO2 لە خانەکانی لەش و سییەکان.

 

گەر ڕادەی ئەم پرۆتینە لە ناو خوێندا کەم بێت ئەم پرۆسەی باسمان کرد تووشی کێشە ئەبێت. لە درێژەدا باس لە هۆکار و نیشانەکانی کەم بوونی ئەم پرۆتینە پڕ بایەخە ئەکەین. 


کەم بوونی ئاسنی خوێن، دووگیانی، ئازارەکانی جگەر و گورچیلە و هەروەها نەخۆشیه درێژخایەنەکان ئەتوانن هۆکارێک بن بۆ کەم بوونی هێمۆگلۆبین. دڵەکوتە و ماندوویەتی و کزی ماسولکەکان و ژانەسەر بەشێکن لە نیشانەکانی ئەم کێشەیە.

هەندێک کەسیش به بێ ئەم هۆکار و نیشانانەش، هێمۆگلۆبینی خوێنیان کەمە. هەر بۆیە پشکنینی ناوبەناوی پزیشکی پێداویستییەکی حاشاهەڵنەگرە. بۆ بەرزکردنەوەی ڕادەی هێمۆگلۆبینی خوێن ئەبێ ڕادەی ئاسنی خوێن بەرز ببێتەوە. کەوابوو خواردنی ماسی و گۆشتی سوور و هێلکە و فاسۆلیای سەوز، کە سەرچاوەیەکی دەوڵەمەندنی ئاسنن، ئەتوانێ ئەم کەم‌وکووڕیه قەرەبوو بکاتەوە. ڤیتامین Aو بێتاکارۆتێنیش ئەتوانن ڕادەی ئاسنی خوێن بەرز بکەنەوە و هەر بۆیە خواردنی جگەر و پەتاتە و گێزەر و کاڵەک پێویستە. جگەرە کێشان لەم کێشەیەشدا ڕۆڵ ئەگێڕێت، هەر وەک چۆن ڕێگاخۆشکەرە بۆ زۆرینەی ئازار و نەخۆشییەکان.

 





ئەم هەواڵە 727جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad