English | عربی | Kurdî دواهەواڵ
ڕاستەوخۆ  
 
یەک لەسەر ١٢ی بودجە خەرج دەکرێت وناردنی مووچەی ھەرێم وەکو ساڵی ڕابردوو بەردەوام دەبێت
2020-01-02 [11:33 AM]

ZNA-هەولێر


 ئەندامێکی لیژنەی دارایی لە پەرلەمانی عێراق رایدەگەێنێت ،  دوای ئەوەی نەتواندرا بودجە پەسەند بکرێت، دەست بە خەرجکردنی یەک لەسەر ١٢ی بودجە دەکرێت و، ناردنی مووچەی ھەرێمی کوردستانیش وەکو ساڵی ڕابردوو بەردەوام دەبێت تاوەکو بودجەی نوێ پەسەند دەکرێت.

جەمال کۆچەر، بەماڵپەڕی فەرمیی پارتی دیموکراتی کوردستان راگەیاند  بودجە دوو بەشە، بەشێکی تایبەتە بە مووچە و خەرجیی رۆژانە و بەشێکی دیکەشی پەیوەندی بە پڕۆژەی وەبەرھێنانەوە ھەیە، بۆیە بە ھۆی پەسەندنەکردنی بودجەی ئەمساڵ، تەنھا مووچەی فەرمانبەران و خەرجیی رۆژانە خەرج دەکرێت و ئەوەی پەیوەندی بە وەبەرھێنانەوە ھەیە، ئەو پارەیە بۆ سندووقی دەوڵەت دەگەڕێتەوە تا بودجە پەسەند دەکرێت، بۆیە تا بودجە پەسەند دەکرێت، یەک لەسەر ١٢ خەرج دەکرێت.

 ناوبراو راشیدەگەێنێت ،  مووچەی ھەرێمی کوردستان چۆن ساڵی ڕابردوو ھاتووە، بەو شێوەیە ئەمساڵیش تاوەکو پڕۆژەیاسای بودجەی نوێ پەسەند دەکرێت، بەردەوام دەبێت و مانگانە ٤٥٤ ملیاردینار دێت، ئەمەش لە چوار چێوەی ئەو بودجەیە خەرج دەکرێت، کە یەک لەسەر ١٢ی بودجەی عێراقە.

جەمال کۆچەر ئەندامی دارایی لەپەرلەمانی عێراق ئاماژە بەوەش دەکات کە  چوار حاڵەت ھەیە بۆ ئەوەی پڕۆژەیاسای بودجە یەکلا بکرێتەوە، ئەوانیش عادل عەبدولمەھدی بمێنێتەوە تا ھەڵبژاردن دەکرێت و بودجە رەوانە ناکرێت تا ئەوکات، حاڵەتی دووەمیش ئەگەر سەرۆکوەزیران نەما، سەرۆکوەزیرانی نوێ بێت ئەویش ببێتە حکوومەتی کاربەڕێکەر و بودجە رەوانە نەکرێت و یەک لەسەر ١٢خەرج بکرێت، یاخود حکوومەت یاخود بودجەیەکی نوێ دابنێت و رەوانەی پەرلەمان بکرێت، یاخود حکوومەتی نوێ ھەمان ئەو بودجەیەی ئێستا ئامادە کراوە، ھەر ئەوە رەوانە بکەن، بەڵام ئەگەری دوو حاڵەت زۆر بەھێزە، ئەوانیش بریتین لەوەی یان یەک لەسەر ١٢خەرج بکرێت، یاخود بودجەی ئێستا رەوانە بکرێت، ئەمەش لە بەرژەوەندیی کورددایە.





ئەم هەواڵە 3553جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad