English | عربی | Kurdî دواهەواڵ
ڕاستەوخۆ  
 
کوشتنا قاسم سوله‌یمانی و ده‌سپێکرنا گڕژیه‌کا نویا ناوچه‌یی دناڤبه‌را ئێران و ئه‌مریکادا
2020-01-06 [12:53 PM]

نڤیسینا: پاوان تەتەر نێرەوی


تی کوشتنا سه‌ردار قاسم سوله‌یمانی کو هه‌ر ژ سالا ۱۹۹۸ێ پشتی احمد وه‌حیدی تاکو روژا ۳ێ هه‌یڤا ۱، ۲۰۲۰ێ روژا هێرشا ئاسمانیا فروکه‌یێن بێ فروکه‌ڤانێن ئه‌مریکی بو سه‌ر کاروانیێ ئوتوموبێلێن وی لسه‌ر رێێیا فڕوکه‌خانا به‌غدایێ فه‌رمانده‌یێ گشتیێ سوپایێ قودس بویه‌. سوپایێ قودس کو لسه‌ر ده‌مێ شه‌ڕێ دناڤبه‌را ئێراق-ئێران هاته‌ دامه‌زرادن و ئه‌رکێ ئوپراسیونێن ده‌رڤه‌یی سنورێ ئێرانێ ئانکو دناڤا سنورێ عێراقێ پێ هاتبو سپاردن. ژ چه‌ند سه‌رچاوه‌یه‌کان دیار بوویه‌ کو ئه‌ڤ هێزه‌ پێکهاته‌یه‌کا ۳۰-٥۰ هزار سه‌ربازی هه‌یه‌. پشتی به‌شداریه‌کا کارا یا سوپایێ قودس د شه‌ڕێ ئێراق و ئێرانێدا شیا ژ بلی هێزه‌کا سه‌ربازی وه‌که‌ هێزه‌کا دینی و پایه‌ بلند ژ لایێ گه‌ڵێ ئیرانی و ته‌ڤایا شیعه‌یێن جیهانێ بهێته‌ ته‌ماشه‌کرن. جون بولتن کو د کابینه‌یا دونالد ترامپی راوێژکارێ ئاسایێشا نیشتیمانیا ئه‌مریکا بو د لێدوانه‌کا روژنامه‌ڤانی قاسم سوله‌یمانی وه‌که‌ مه‌ترسیدارترین که‌س د جیهانێدا قه‌له‌مدا، و هه‌بوونا هێزه‌کا وه‌که‌ سوپایێ قودس د ده‌ستێن که‌سایه‌تیه‌کێ وه‌که‌ سوله‌یمانی وه‌که‌ کاره‌سات بناڤ دکر. کوشتنا قاسم سولێیمانی وه‌که‌ ده‌سته‌ راستێ خامنه‌یی د پرسێن هه‌ڕه‌ هه‌ستیار کو پرسێن سه‌ربازی و دیارکرنا رێره‌وێن سه‌ربازیێن ڤی وه‌لاتی بویه‌ ئه‌گه‌رێ دروستبوونا دڵه‌ راوکێ ژ لایێ هه‌می وه‌لاتێن ناوچه‌یی و تاکو ئه‌ڤ زه‌نگا مه‌تڕسیێ ژ لایێ ئێکه‌تیا ئه‌وروپا ڤه‌ هاتیه‌ لێدان. ئه‌ڤ چه‌نده‌ ناڤه‌گه‌ریته‌ڤه‌ بو بهێزیا سوپایێ ئیرانێ کو بشێت به‌ڕه‌نگاری زڵهێزه‌کا وه‌که‌ ئه‌مه‌ریکایێ بیت به‌لکو ئه‌ڤ تڕسه‌ پتر یا گرێدایه‌ ب وان رێره‌ویێن کو قاسم سوله‌یمانی د ۲۲ سالێن ده‌سهه‌لاتا خو وه‌که‌ پایه‌دار و دارێژه‌رێ سیاسه‌تا ده‌رڤه‌ یا ئیرانێ ب تایبه‌تی د چه‌مکێ سه‌ربازی و ئه‌منی دا سنوڕێ کارتێکرنا ده‌نگێ ته‌هرانێ ل سنوڕێ ڤی وه‌لاتی تێپه‌رکریه‌ و گه‌هاندیه‌ عێراق، سوریا، لوبنان، و یه‌مه‌نێ کو ئه‌ڤ چه‌نده‌ دبیته‌ ئه‌گه‌ڕێ هندێ کو هه‌لگێرسانا شه‌ڕه‌کێ به‌رامبه‌ر ئێرانێ هه‌لگێرسانا شه‌ڕه‌ د ناڤا ڤان هه‌ر چوار وه‌لاتێن ناڤهاتی ژ بلی ئیرانێ کو دێ سه‌رکێشێ ڤی شه‌ڕی بیت به‌رامبه‌ر ئه‌مریکایێ ئه‌ڤ چه‌نده‌ جهێ گومانێ نینه‌ کو کوشتنا قاسم سوله‌یمانی ب وی شێوه‌یی و لسه‌ر خاکا عێراقێ بویه‌ ئه‌گه‌رێ هندێ کو نه‌بوونا وی بڤی شێوه‌یی ژ هه‌بوونا وی یا به‌ری کوشتنا وی مه‌ترسیدار تڕ بیت بو هێزێن ئه‌مریکا ب تایبه‌تی ل عێراقێ. ئه‌ڤ چه‌نده‌ ڤه‌دگه‌ریته‌ڤه‌ بو وان خوپێشاندانێن ڤان چه‌ند هه‌یڤێن داویێ کو هه‌می شاڕ و شاروچکه‌یێن عێراقێ ڤه‌گرتی و جوره‌ نه‌رازیبوونه‌کا زه‌ق پێڤه‌ دیار بوو ل دژی ئێرانێ و ب تایبه‌تی که‌سایه‌تیێ قاسم سوله‌یمانی. لێ به‌لێ پشتی کوشتنا وی ئه‌ڤه‌ وه‌که‌ ده‌لیڤه‌یه‌ک هاته‌ دیتن ژ لایێ وان سه‌رکرده‌یان کو ژ لایێ خوپێشانده‌ران ڤه‌ دهاتنه‌ ره‌تکرن و ده‌سهه‌لاتا وان به‌ره‌ڤ نه‌مانێ دچو (خوپێشاندانێن عیراقێ و ب ئامانجگرتنا ئێرانێ) خوپێشاندانێن عێراقێ به‌رده‌وامبوون و تاکو دهات دله‌راوکێ لده‌ڤ ده‌سهه‌لاتدارێن عیراقێ زێده‌کربوو،‌ و هه‌روه‌سا ژماره‌یا قوربانیان به‌ره‌ڤ هه‌لکێشانێبوو. ده‌سته‌واژه‌ و سلوگانێن خوپێشانده‌ران دژی گه‌نده‌لیێ، ته‌په‌سه‌رکرنێ و نه‌بوونا مافێ هاوولاتیبونێ هاوشێوه‌یا وان خوپێشاندانایه‌ کو ل ده‌ستپێکا سالا ۲۰۱۱ێ زوربه‌یی وه‌لاتێن عه‌ره‌بی گرتی و ب ناڤێ به‌هاڕا عه‌ره‌بی هاتیه‌ ناساندن. لێ گرنگی و جیاوازیا ڤان خوپێشاندانا نه‌ لێدانا ده‌سهه‌لاتا ناڤخوویه‌ به‌لکو لێدانا ده‌سهه‌لاتا بیانی ئانکو رژێما ئێرانێ و لایه‌نێن نێزیکی ڤێ رژێمێنه‌. ئه‌ڤ چه‌نده‌ ژ لایێ گه‌له‌ک چاڤدێرێن سیاسیێن ناڤخوو و بیانی وه‌که‌ کاره‌کێ نه‌چاڤه‌رێکری دهێته‌ هه‌ژمار کو رێره‌وێ ڤان خوپێشاندانا ب دژی ده‌سهه‌لاتا شیعی یا ئێرانی ل عیراقێ بهێته‌ گوهرین، کو ئه‌ڤ خوپێشاندانه‌ ل باشور و ناڤه‌راستێ عێراقێ ڤه‌گرتیه‌ کو زورینه‌ شیعه‌نه‌. نمونه‌یا ڤێ چه‌ندێ دراندنا وێنه‌یێ خامنیه‌یی رێبه‌رێ شوره‌شا ئیسلامیا ئیرانێ بوویه‌ کو ل باژارێ که‌ربه‌لایێ به‌رامبه‌ر کونسولگه‌ریا ئیرانێ هاته‌ ئه‌نجامدان. ئه‌ڤ چه‌نده‌ دهێته‌ شروڤه‌کرن کو ئه‌و بالانسا کو ژ لایێ ویلایه‌تێن ئێکگرتیێن ئه‌مریکایێ ڤه‌ هاتیه‌ پیاده‌کرن ژ بو هه‌رسێ هێزێن عێراقی کو پێکدهێت ژ شیعه‌، سونی و کوردن ل بن چویه‌ و بویه‌ ئه‌گه‌رێ دروسبوونا شله‌ژانه‌کا مه‌زنا سیاسی و کومه‌لایه‌تی تاکو بگه‌هیته‌ وی ئاستی تاکو هێزێن شیعه‌ کو گه‌له‌ک گرێدایی ب مه‌رجه‌عێێن شیعی نه‌ د قالبێ گوهداریێ ده‌ربچن و ب ده‌نگه‌کێ بلند دژێ ده‌سهه‌لاتا شیعی یا ئیرانی راوه‌ستن. ئه‌ڤ خوپێشاندانه‌ دهێنه‌ به‌راوردکرن دگه‌ل خوپێشاندانێن لوبنانێ کو پشتی پتری ٥۰ سالان دگه‌ل پیاده‌کرنا بالانسا هێزێ دناڤبه‌را کریستیانا و شیعه‌ و سونییا هاوولاتیێن لوبنانی ده‌ست ب خوپێشاندانێن به‌رفره‌ بکه‌ت دژی ده‌سهه‌لاتا وه‌لاتی کو ئه‌ڤ خوپێشاندانه‌ دهێته‌ پشته‌ڤانیکرن ژ لایێ حزبووڵا شیعی ڤه. ل عیراقێ پشتی ب داوی ئینانا رژێما به‌عسا سونی مه‌زهه‌ب ل سالا ۲۰۰۳ێ ده‌سهه‌لاتا عێراقێ که‌فته‌ ده‌ستێ لایه‌نێن شیعی کو ئه‌ڤ چه‌نده‌ بویه‌ ئه‌گه‌رێ دروستبوونا په‌یوه‌ندیێن بهێز دگه‌ل وه‌لاتێ جیران ئیرانێ کو وه‌که‌ رێبه‌رێ شیعه‌ مه‌زهه‌بین جیهانی دهیته‌ ته‌ماشه‌کرن. لێ به‌لێ نه‌داریێ و هه‌ژاری و گه‌نده‌لیێ وه‌کریه‌ کو خوپێشانده‌رێن عێراقی ئێدی باوه‌ری ب "برایێن " خویێن شیعه‌ مه‌زهه‌بێن ئێرانێ نه‌مینیت و ببیته‌ ئه‌گه‌رێ هندێ کو باڵێ ناشیونالیسمێ به‌رفره‌هتر ببیت ژ باڵێ گرێیا شیعه‌گه‌ریێ دگه‌ل ئێرانێ، ب تایبه‌تی پشتی ئه‌و هێزێن چه‌کدارێن نێزیکی ئیرانێ توندوتیژی به‌رامبه‌ر خوپێشانده‌ران بکارئینایه‌ بوویه‌ ئه‌گه‌رێ هندێ کو ماوه‌یێ چه‌ند هه‌فتیانه‌ ل گوره‌پانا ته‌هریر سلوگانێن دژی ئیرانێ بهێنه‌ به‌رزکرن و هه‌روه‌سا ئالایێ ئیرانێ بهێته‌ سوتاندن. (دوراو، براوه‌ و ته‌ماشه‌گه‌ڕ) هنده‌ک سه‌رکرده‌ و لایه‌نێن نێزیک ژ ئیرانێ شیان ڤێ کوشتنا سوله‌یمانی بو مه‌رامێن خویێن سیاسی و تاکه‌ که‌سی ب کار بئینن ب رێیا جاره‌کادی لڤاندنا حه‌ستێ شیعه‌گه‌ری و پاشان نه‌ته‌وه‌یی ل دژی ئه‌مریکایێ کو ئه‌ڤ چه‌نده‌ پاشه‌که‌شیه‌کا زور پێڤه‌ دیار بو د خوپێشاندانێن خه‌لکێ عێراقێ. ئه‌ڤ چه‌نده‌ ژی وه‌که‌ ۲ شه‌شه‌ک ژ لایێ وان هێزان ڤه‌ هاته‌ دیتن کو هه‌می ده‌ما ل دژی هێزێن ئه‌مریکی بووینه‌ ل عێراقێ کو ب سه‌رکه‌فتیانه‌ ڤێ چه‌ندێ ل رێکه‌فتی ٥ێ ۱، ۲۰۲۰ێ ل په‌رله‌مانی ده‌رباز که‌ن و بریارا ده‌رکرنا هێزێن ئه‌مریکی ل ئێراقێ بده‌ن. ئه‌ڤ چه‌نده‌ ب شێوه‌یه‌کێ کورت مه‌ودا دیار دکه‌ت کو کوشتنا قاسم سوله‌یمانی و ئه‌بو مه‌هدی موهه‌ندیس جێگرێ ده‌سته‌یا حه‌شدی شه‌عبی باڵا ده‌ستیا ئێرانێ زێده‌تر لێدکه‌ت د بریارێن سیاسی و سه‌ربازیێن عێراقێ، لێ به‌لێ تاکو چه‌ند حکومه‌تا عێراقێ دێ شێت پابه‌ندی ڤێ بریارا په‌رله‌مانێ عێراقێ بیت ژ بو ده‌رکرنا هێزێن بیانی ب تایبه‌تی هێزێن ئه‌مریکی ل عێراقێ پرسیاره‌کا گه‌له‌کا هه‌ستیاره‌ چونکه‌ نه‌بوونا هێزێن ئه‌مریکی ل عێراقێ د سات و وه‌ختێن وه‌که‌ نها کو جوله‌یێن داعشێ زێده‌ بووینه‌ و وه‌لات لسه‌ر لێوارێ شه‌رێ ناڤخوویه‌ و حکومه‌ت ژ لایێ سه‌روک وه‌زیره‌کێ کاربه‌رێکه‌ر دهێته‌ برێڤه‌برن جاره‌ک دی دیار دکه‌ت کو عێراق وه‌که‌ هه‌رجار لایه‌نێ شکه‌سخواردیێ ڤێ یاریا دناڤبه‌را ئه‌مریکا و ئێرانێیه‌ و هه‌رێما کوردستانێ وه‌که‌ ته‌ماشه‌گه‌ر گه‌ر وه‌که‌ لایه‌نه‌کێ بێ لایه‌ن و یه‌ک ده‌نگ ره‌فتارێ بکه‌ت. پاوان ته‌ته‌ر نێروه‌یی ماسته‌ر د زانستێن سیاسی: چه‌مکێ سیاسه‌تا ده‌رڤه‌ و ئاسایێشا نیشتیمانی





ئەم هەواڵە 2755جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad