 |
|
|||
ZNA-هەولێر سەرۆکی پەرلەمانی عێراق سەرکۆنەی ھێرشە مووشەکییەکانی کۆماری ئیسلامیی ئێران بۆ سەر وڵاتەکەی، دەکات. ئەمڕۆ چوارشەممە ٨-١-٢٠٢٠، محەمەد حەلبوسی، سەرۆکی پەرلەمانی عێراق رایگەیاندووە، پێویستە ھەموو لایەنەکان دان بەخۆیاندا بگرن و بارودۆخەکە زیاتر ئاڵۆز نەکەن. محەمەد حەلبوسی سەرکۆنە (ئیدانە)ی ھێرشە مووشەکییەکەی ئێرانی بۆ سەر بنکە سەربازییەکانی ئەمریکا لە عێراق کردووە و رایگەیاندووە، ”رەتی دەکەینەوە عێراق بۆ یەکلاکردنەوەی کێشەکانی نێوان ئەمریکا و ئێران بەکار بھێنرێت“. سەرۆکی پەرلەمانی عێراق داوای لە حکوومەتی وڵاتەکەی کردووە رێکاری سیاسی، ئەمنی و یاسایی پێویست بۆ پێشێڵکارییەکان دژی سەروەریی خاکی وڵاتەکەیان بگرێتە بەر و سەروەریی عێراق بپارێزێت. بەرەبەیانی ئەمڕۆ چوارشەممە ٨-١-٢٠٢٠، کۆماری ئیسلامیی ئێران لە سنووری پارێزگای کرماشانەوە، ژمارەیەک مووشەکی (سوپای عێراق دەڵێت ٢٢ مووشەک بووە) ئاراستەی بنکەکانی ئەمریکا و ھاوپەیمانان لە سنووری پارێزگای ئەنبار (١٧ مووشەکیان لە پارێزگای ئەنبار کەوتە خوارەوە) و پارێزگای ھەولێر (یەک مووشەک لە پارێزگای ھەولێر کەوتە خوارەوە، چوار مووشەکیش دیار نییە لە کوێ کەوتوونەتە خوارەوە) کرد. ئەم هەواڵە 655جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad