English | عربی | Kurdî دواهەواڵ
ڕاستەوخۆ  
 
زۆر بەکارهێنانی مۆبایل لەلایەن منداڵانەوە زیان بە سەر و مل دەگەیێنێت
2020-01-13 [11:21 AM]

هەولێر ــ ZNA


توێژینەوەیەکی نوێی کلینیکی کلێڤلاند لە ئەمریکا مەترسییەکی دیکەی زۆر بەکارهێنانی مۆبایل لەلایەن منداڵان و مێرمنداڵانەوە ئاشکرادەکات و رایدەگەیێنێت بەکارهێنانیان زیان بە سەر و مل دەگەیێنێت.

لە توێژینەوە نوێیەکەدا دەرکەوتووە زۆربەی حاڵەتەکانی زەبر بەرکەوتن بە سەر و مل هۆکارەکەیان بریتییە لە زۆر بەکارهێنانی شاشەکان بەتایبەتی مۆبایل و ئایپاد.

د. بارۆخ فێرتێل، پزیشک و سەرپەرشتیاری توێژینەوەکە لە کلینیکی کلێڤلاند دەڵێت، بەکارهێنانی مۆبایل و ئایپاد لەلایەن منداڵانەوە جگەلەوەی مەترسیی لەسەر دەروونیان دروستدەکات و وایان لێدەکات گۆشەگیربن، لەهەمانکاتدا ئەگەری تووشبوونیان بە چەندین نەخۆشیش زیاددەکات.

توێژینەوەکە لەسەر 2500 کەس ئەنجامدراوە کە بەهۆی زۆر بەکارهێنانی مۆبایلەوە تووشی زەبر بەرکەوتن بە سەر و مل بووبوون. نزیکە 700یان منداڵ و مێرمنداڵ بوون.

توێژەرانی ئەمریکی روونیدەکەنەوە بەکارهێنانی مۆبایل لەکاتی شۆفێریکردن یان لەماوەی پەڕینەوە لە شەقام زۆرترین مەترسیی هەیە لەوەی کەسەکە تووشی رووداوێکی نەخوازراو ببێت و زیان بە سەر و ملی بگات، کە ئێستا هۆکاری زۆربەی رووداوەکانی هاتوچۆ و زەبر بەرکەوتن بە سەر و مل بەکارهێنانی مۆبایلە.





ئەم هەواڵە 5365جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad