English | عربی | Kurdî دواهەواڵ
ڕاستەوخۆ  
 
عێراق لە دژی ئەمریکا هەوڵی کڕینی سیستەمی دژەمووشەکی رووسی دەدات
2020-01-13 [08:26 AM]

ZNA- هه‌ولێر


دەسەڵاتدارانی عێراق لە دژی ئەمریکا هەوڵی کڕینی سیستەمی دژەمووشەکی رووسی دەدەن.

کەریم علێوی، ئەندامی کوتلەی هاوپەیمانیی فەتح (هاوپەیانیی حەشدی شەعبی) و ئەندامی لێژنەی ئاسایش و بەرگریی پەرلەمانی عێراق بە رۆژنامەی (وۆڵ ستریت جۆڕنال)ی ئەمریکی راگەیاندووە، ”ئەمریکییەکان بێهیوایان کردین لە بەهێزکردنی سیستەمی بەرگریی عێراق“.

کەریم علێوی هەروەها رایگەیاندووە، وڵاتەکەی بەنیازە سیستەمی دژەمووشەکیی S400ـی رووسی بکڕێ بۆ بەهێزکردنی سیستەمی بەرگریی خۆی و بۆ ئەو مەبەستەش، سێ مانگ لەمەوبەر شاندێکی عێراق سەردانی رووسیای کردووە.

ئەو پەرلەمانتارە ئاماژەی بەوەش کردووە، کە بەهۆی پێشهاتە نوێیەکان و بڕیاری دەرکردنی هێزە بیانییەکان، پەرلەمان رێگای بە سەرۆک وەزیرانی نوێی عێراق داوە، کە سیستەمە رووسیەکە بکڕێت.

پەرلەمانی عێراق رۆژی یەکشەممە 5-1-2020، بەهۆی کوژرانی قاسم سولەیمانی و ئەبو مەهدی موهەندیس، بەبێ ئامادەبوونی نوێنەرانی کورد و سوننە، بڕیاری دەرکردنی هێزە بیانییەکانی لە عێراق، پەسەند کرد.

عادل عەبدولمەهدی دەستی لەکار کێشاوەتەوە و تا ئێستاش لایەنە عێراقییەکان نەگەیشتوونەتە رێککەوتن لەسەر دیاریکردنی کەسێک بۆ سەرۆکایەتیی حکوومەتی وڵاتەکەیان.





ئەم هەواڵە 613جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad