English | عربی | Kurdî دواهەواڵ
ڕاستەوخۆ  
 
وەزارەتی دەرەوەی ئەمەریکا: حکوومەتی هەرێم ناوەند و دیبلۆماتەکانمان زۆر باش دەپارێزێت
2020-01-14 [01:17 AM]

ZNA- هه‌ولێر


دەیڤد شنکەر، یاریدەدەری وەزیری دەرەوەی ئەمەریکا بۆ کاروباری رۆژهەڵاتی نزيك له‌باره‌ی ورده‌كاری سه‌ردانه‌كه‌ی بۆ هه‌ولێر ئاشكرای ده‌كات، له‌ كۆبوونه‌وه‌كانی له‌گه‌ڵ سه‌ركردایه‌تی هەرێمی كوردستان له‌ هه‌ولێر، سوپاسی هاوپه‌یمانێتی كوردی كردووه‌ و ئاشكراشی كردووه‌ كه‌ ئه‌مەریكا هیچ نیازێكی ئاڵۆزكردنی ره‌وشه‌كه‌ی نییه‌ و له‌گه‌ڵ ئارامبوونه‌وه‌ی دۆخه‌كه‌یه‌.

بەگوێرەی راگەیەندراوێکی وەزارەتی دەرەوەی ئەمەریکا، شنکەر دەڵێت، ئه‌مەریكا شانازی به‌ هاوپه‌یمانێتییه‌كه‌ی له‌گه‌ڵ كورد له‌ عێراق ده‌كات و له‌ كۆبوونه‌وه‌كانیدا لە هه‌ولێر باسیان له‌ پته‌وكردنی په‌یوه‌ندییه‌كانیان له‌گه‌ڵ هه‌رێمی كوردستان كردووەتەوە‌.

هه‌روه‌ها شنكه‌ر باسی له‌ گرنگی پێگه‌ی كوردی له‌ ناوچه‌كه‌ كرد و ده‌ڵێ كورد لایه‌نێكی سه‌ره‌كیین له‌ به‌دیهێنانی ئامانجه‌كانیان له‌ رۆژهه‌ڵاتی ناوه‌ڕاست. 

گوتیشی، په‌یوه‌ندییه‌ ستراتیژییه‌كانیان له‌گه‌ڵ كورد ده‌گه‌ڕێته‌وه‌ بۆ ساڵی 1991.

هەروەها لە کۆنفراسێکی رۆژنامەوانییدا، لە وەڵامی پرسیاری رۆژنامەنووسێک شنكه‌ر روونیکردەوە، هۆكاری سه‌ردانیكردنی هه‌ولێر و نه‌چوونی بۆ به‌غدا بۆ ئه‌وه‌ ده‌گه‌ڕێته‌وه‌ كه‌ هێشتا دۆخی به‌غدا ئاڵۆزە.

دووپاتیشکردەوە، حكوومه‌تی هه‌رێمی كوردستان توانایه‌كی زۆرباشی له‌ پاراستنی دیپلۆماتكار و ناوه‌نده‌ دیپلۆماسییه‌كانی ئه‌مەریكا هه‌یه‌.





ئەم هەواڵە 1072جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad