English | عربی | Kurdî دواهەواڵ
ڕاستەوخۆ  
 
تورکیا... زیاتر له‌ سه‌د ئەفسەر و سەربازی دیکە دەستگیردەکرێن
2020-01-14 [01:29 AM]

ZNA - هه‌ولێر


بە تۆمەتی هه‌بوونی پەیوەندی بە فەتحوڵڵا گولەنه‌وه‌، دەسەڵاتدارانی تورکیا 115 ئەفسەر و سەربازی دیکەیان دەستگیرکردووە.

ئاژانسەکانی دەنگ‌وباسی فەرمی تورکیا ئەمڕۆ سێشەممە گوتیان ئەو 115 ئەفسەر و سەربازە، بەشێکن لە 176 ئەفسەر و سەرباز کە لەلایەن داواکاری گشتیـیەوە فەرمانی دەستگیرکردنیان بۆ دەرچووە، به‌تۆمه‌تی ئه‌وه‌ی ده‌ستیان له‌ كوده‌تاكه‌ی ساڵی 2016 هه‌بووه‌.

بەپـێی هەواڵەکە 108 ئەفسەر و سەربازیان هێشتا لە ئه‌ركی سه‌ربازی دان، لەوانە شه‌ش فڕۆکەوانی فڕۆکەی Fچوار 16 و 4 فەرماندەی هێزی جەندرمە هه‌یه‌.

دەسەڵاتدارانی تورکیا دەڵێن لە هەوڵی کودەتاکەی شەوی 15ی مانگی حەوتی ساڵی 2016 ، ئه‌وانه‌ی كوده‌تاكه‌یان كرد نزیکەی 250 کەسیان کوشت و زیاتر لە دوو هەزار کەسی دیکەیان بریندارکردووە. بەڵام فەتحوڵڵا گولەن کە بۆ چەندان ساڵە دانیشتووی ئەمەریکایە بە توندی ڕەتیدەکاتەوە دەستی لەو هەوڵی کودەتایەدا هەبێت.

بەپـێی ئامارەکان لە پاش هەوڵی کودەتاکە، نزیکەی 77 هەزار کەس دەستگیرکراون و 130 هەزار کەسی دیکە لە کارەکانیان لابراون، هەر لە فەرماندەی باڵای لەشکری هەتا فەرمانبەر و مامۆستای قوتابخانەکان.

 

voa





ئەم هەواڵە 5896جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad