English | عربی | Kurdî دواهەواڵ
ڕاستەوخۆ  
 
هێزە ئەمنییەکانی عێراق به‌ توندی ڕووبه‌ڕووی خۆپێشانده‌ران ده‌بنه‌وه‌
2020-01-20 [08:43 AM]

ZNA-هەولێر


خۆپێشاندانه‌كانی بەغداو ژماره‌یه‌ك پارێزگای دیكه‌ى عێراق به‌رده‌وامیان هه‌یه‌ و هێزە ئەمنییەکانی عێراق به‌ توندی ڕووبه‌ڕووی خۆپێشانده‌ران ده‌بنه‌وه‌، به‌ چه‌كی قورس و گازی فرمێسک ڕێژ وەڵامی خۆپیشاندەران دەدەنەوە.

 

 میدیاكانى عێراق بڵاویان كرده‌وه‌ كه‌ له‌ به‌غدا ژماره‌یه‌ك رێگه‌ی سه‌ره‌كی و له‌ كه‌ربه‌لا پردی سه‌ره‌كی چریبه"ی ناوه‌ڕاستی پارێزگاكه‌ و چوار پردی سه‌ره‌كی پارێزگای موسه‌نا داخراون و هاتووچۆش له‌ هه‌ر یه‌كه‌ له‌ سه‌ماوه‌ و رومێسه‌ په‌كیكه‌وتووه‌، هاوكات رێگه‌ی نێوان هه‌ردوو پارێزگای زی قار و موسه‌نا داخراوه‌.

 

خۆپیشانده‌ران پێشتر مۆڵه‌تی 3 رۆژیان به‌ حكومه‌ت دابوو بۆ وه‌ڵامدانه‌وه‌ى داواكارییه‌كانیان‌، به‌ڵام تائێستا حكومه‌ت وه‌ڵامی داواكانی ئه‌وانی نه‌داوه‌ته‌وه‌ و واده‌كه‌ش كۆتاییهاتووه‌.

 
 نێرده‌ی تایبه‌تی نه‌ته‌وه‌ یه‌كگرتووه‌كانیش داوا له‌ حكومه‌تی عێراق ده‌كات، پارێزگاری له‌ خۆپیشانده‌ران بكات و گوێ له‌ داواكانیان بگرێت، له‌ هه‌مان كاتیشدا په‌یامێكی ئاراسته‌ی خۆپیشانده‌ران كردووه‌ بۆ ئه‌وه‌ی پارێزگاری له‌ هێمنی و ئاشتیانه‌ی خۆپیشاندانه‌كان بكه‌ن.

 


پلاسخارت: به‌ڵێنی جێبه‌جێنه‌كراو بووه‌ته‌ مایه‌ی سه‌رهه‌ڵدانی قه‌یرانی متمانه‌

پلاسخارت له‌ راگه‌یه‌ندراوێكدا، كه‌ له‌ په‌یجی فه‌رمی یونامی له‌ تۆڕی كۆمه‌ڵایه‌تی فه‌یسبووك بڵاوكراوه‌ته‌وه‌، ده‌ڵێت: "له‌م مانگانه‌ی دواییدا، سه‌دان هه‌زار عێراقی له‌ هه‌موو چین و توێژه‌كاندا رژانه‌ سه‌رشه‌قامه‌كان بۆ ده‌ربڕینی هیوا بۆ ئاینده‌یه‌كی باشتری بێ گه‌نده‌ڵی و به‌رژه‌وه‌ندیی حیزبی و ده‌ستوه‌ردانی بێگانه‌. له‌لایه‌كی تره‌وه‌، كوشتن و برینداركردنی خۆپیشانده‌رانی هێمن و چه‌ندان به‌ڵێنی جێبه‌جێنه‌كراوی ساڵانی رابردوو بوونه‌ مایه‌ی سه‌رهه‌ڵدانی قه‌یرانی متمانه‌."

پلاسخارت ده‌شڵێت "ئه‌و هه‌نگاوانه‌ی كه‌ تائێستا نراون سه‌باره‌ت به‌ نیگه‌رانییه‌كانی خه‌ڵك هه‌ڕ بێ بایه‌خ ده‌مێننه‌وه‌ گه‌ر ته‌واو نه‌كرێن. شایانی باسه‌، كه‌ بۆ پرۆسه‌ی هه‌ستانه‌وه‌ یه‌كییه‌تی و یه‌كڕیزیی ناوخۆیی و بڕیاری شێلگیرانه‌ زۆر پێویستن له‌هه‌مبه‌ر به‌رژه‌وه‌ندییه‌ حیزبییه‌كان و ده‌ستوه‌ردانی بێگانه‌دا یانیش له‌به‌رامبه‌ر ئه‌و ئاژاوه‌گێڕانه‌ی كه‌ ده‌یانه‌وێت ئارامیی عیراق بشێوێنن."

چڕبوونه‌وه‌ی گرژییه‌ هه‌رێمییه‌كانی ئه‌مدواییه‌ بوونه‌ مایه‌ی لادانی سه‌رنج له‌سه‌ر كاره‌ ناوخۆییه‌ نیوه‌چڵه‌كان. به‌هه‌ر حاڵ، په‌ره‌سه‌ندنه‌ جیۆپۆلیتییه‌كان نابێ ببنه‌ مایه‌ی فه‌رامۆشكردنی داواكارییه‌ ره‌واكانی خه‌ڵكی عیراق چونكه‌ ئه‌مانه‌ ته‌نها ده‌بنه‌ مایه‌ی توڕه‌یی و بێمتمانه‌یی زیاتر.

وێڕای هاندانی ده‌سه‌ڵاته‌كانی عیراقیش بۆ پاراستنی خۆپیشانده‌ره‌ هێمنه‌كان و داواكردنیشی له‌ خۆپیشانده‌ران بۆ پاراستنی هێمنی و خۆدوورگرتن له‌ توندوتیژیی په‌رچه‌كردارانه‌ و كاری تێكده‌رانه‌، خاتو جێنین وتی "به‌كارهێنانی توندوتیژی بۆ كپكردنه‌وه‌ خۆپیشاندانه‌كان هه‌رگیز مایه‌ی قبوڵ نییه‌ و بگره‌ پێویسته‌ پێشیشی پێ بگیرێت. هیچ شتێك به‌قه‌د كه‌شی ترس زیانبه‌خش نییه‌. هه‌روه‌ها، لێپێچینه‌وه‌ و دادوه‌ریی له‌پێناو قوربانییان بۆ بنیاتنانه‌وه‌ی متمانه‌ و ره‌واییبوون و هه‌ستانه‌وه‌ زۆر گرنگن."





ئەم هەواڵە 382جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad