English | عربی | Kurdî دواهەواڵ
ڕاستەوخۆ  
 
تاوانبار هەر تاوانبارە
2020-01-21 [05:45 AM]

نوسینی : رێكه‌وت شێخانی


ئەوانەی دەبنە تیرۆریست، یان ئەوانەی بازرگانی بە مادەی هۆشبەرەوە دەکەن، یان ئەوانەی خیانەتی نیشتیمانی و نەتەوەیی دەکەن و کار بۆ هەواڵگری دەوڵەتان دەکەن، یان بابەتی کوشتن لەسەر کێشە کۆمەڵایەتییەکان، لە هەرێمێکی پێنج شەش ملیۆن هاوڵاتی وەک کوردستان، حاڵەتێکی ئاساییەو هێشتان نەبوویتە دیاردە، ئەگەر رێرو رێوشوێنی باشتر بگیرێت، ئەوانەش نەمێنن ئەوە کۆمەڵگایەکی تەواو نەتدرووستمان دەبێت لەهەموو روێکەوە، ئەوکارەش موستەحیلە.
تاوانبار هەر تاوانبارە، جا لە سلێمانی ڕووداوەکەی ئەنجامدابێت یان لە هەولێر، هەموو تاوانبارێکیش پەیوەستن بە دادگا، کەسی تاوانبار بە گوێرەی قەبارەی تاوانەکەی سزا دەدرێت، تا ئێستا نەبووە هیچ تاوان بارێک لە سزا رزگاری بێ، بەڵام ئەوەی پرسیاری لەلام درووست کردییە، بۆچی سۆران عومەر تەنها لەسەر رووداوەکانی هەولێر دەبێتە حاکم و قسان دەکات.
دیقەت بدەن لەماوەی ساڵانی رابردوودا، چەندین ڕووداو لە سلێمانی ڕوویداوە بە نموونە، دانا ئەحمەد مەجید، پارێزگاری پێشوو، لاشەکەی بە خنکێندرایی لە زیندانەکەی هاتەدەرێ، گۆتیان بەخۆی خۆی خنکاند، سه‌روه‌ر حه‌مه‌ ره‌شید بەرپرسی پاسەوانەکانی جەلال تاڵەبانی، لەبەر دەرگای ماڵ دەکوژرێت، گۆتیان لەسەر پارە کوژرایە، کاوە گەرمیانی لەبەر دەرگای ماڵ دەکوژرێت، گۆتیان کێشەی کۆمەڵایەتی هەبووە، دەمهات و جەمیل ئامەد دوو کادری پەکەکەن، لە چیای ئەزمەر دەکوژرێن، گۆتیان ئەوانە کاریان بۆ هەواڵگری دەوڵەتێکی زلهێز دەکرد، بۆیە تورکیا بە ئامانجی کردا و هەردووکیانی کوشت، ئامانج و هاوژینەکەی لە ناوەراستی شەقام دەکوژرێن، گۆتیان کێشەی شەخسیان هەشووە.
هەر چەنده هیچ کەسێک بۆی نییە، پێش قۆناغه‌كانى لێكۆڵینه‌وه‌، هیچ ده‌زگایه‌كى ئه‌منى تۆمه‌تبار بكات، بەڵام لە چەند ڕۆژی رابردوودا، سۆران عومەر هاوشێوەی میدیاکانی راستەوخۆو ناراستەوخۆی لاهور تاڵەبانی لە سلێمانی، هەوڵی گومانخستنە سەر ڕووداوی خۆکوشتنی کەسێک، کە لەسەر بازرگانیکردن بە ماددەی هۆشبەر لە زینداندا بووە.
لەو حاڵەتانەدا سۆران عومەر، ئامانجی تەنها ناو زراندن و لەکەدار کردنی دەزگا ئەمنییەکانی هەولێرە، ئەگینا ڕۆژانە لە سلێمانی خەڵک تیرۆر دەکرێ و دەکوژرێ بۆ هیچ هەڵوێستێک نانوێنێت، جگە لەو ئامانجە، هەوڵدەدات ڕووداوەکانی سلێمانی پەردە پۆشبکات و گومانیش بخاتە سەر رووداوەکانی هەولێر.
ئەوکاتەی سۆران عومەر ئەندامی پەرلەمانی خولی چوارەمی بوو، سەرۆکی لێژنەی مافی مرۆڤی پەرلەمان بوو، هەمووان گللەیی و  گازاندەی ئەوەیان دەکرد، کە لە ئاست ئەو ڕووداوانەی لە پارێزگاکانی سلێمانی و هەڵەبجە و ئیدارەکانی راپەڕین و گەرمیان ڕوودەدەن، بێدەنگە، یان لەسەر هەمان ئاوازی دەزگا ئەمنییەکانی یەکێتی لەو ناوچانە دەخوێنێت، تێگەیشتن لەکارەکانی بریتییە لە ئاراسته‌كردنی رووداوەکان، له ‌پێناو به‌رژه‌وه‌ندیی گرووپێکی نێو حزبێك، نەوەک بەرژەوەندی میللەت.





ئەم هەواڵە 4747جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad