English | عربی | Kurdî دواهەواڵ
ڕاستەوخۆ  
 
داڤۆس و كوردستان
2020-01-23 [06:13 AM]



نووسینی:  نه‌زهه‌ت حالی


 پێم وایه‌ دیداری هه‌ر دوو سه‌ركرده‌ی كورد ، به‌ڕێزان سه‌رۆكی هه‌رێم كاك نێچیرڤان بارزانی و كاك د. به‌رهه‌م سالح سه‌رۆك كۆماری عێراق ڵه‌گه‌ڵ سه‌رۆكی ئه‌مریكا و ژماره‌یه‌ك سه‌ركرده‌ی وڵاتان له‌ داڤۆس،  ده‌بێت جێگای دڵخۆشی هه‌ر كوردێكی نیشتمانپه‌روه‌ر بێت و به‌ دور بێت له‌ ده‌مارگیری حزبایه‌تی یان ڕق و كینه‌ی كه‌سی. 
ئه‌و دیدارانه‌ به‌رهه‌می خه‌باتی گه‌له‌كه‌مانه‌ و سه‌ربه‌رزییه‌ بۆ هه‌موومان كه‌ له‌ یه‌ك ڕۆژدا دوو سه‌ركرده‌ی كورد دیداریان له‌ گه‌ڵ ژماره‌یه‌ك سه‌ركرده‌ی وڵاتاندا هه‌بێت، هه‌ر بۆیه‌ نابێت له‌ نوسینه‌كانمان و به‌ ده‌ستی خۆمان له‌و جۆره‌ سه‌ركه‌وتنه‌ سیاسی و دیپلۆماسیانه‌ كه‌م بكه‌ینه‌وه‌.
 بێگومان كێشه‌كانی ئێمه‌ ته‌نیا به‌و دیدارانه‌ چاره‌سه‌ر نابن، به‌ڵام ئه‌و دیداره‌ ئاست به‌رزانه‌ ده‌رفه‌تێكی زێرین ده‌داته‌ گه‌له‌كه‌مان  كه‌ سیاسه‌تمه‌دار و سه‌ركرده‌ و سه‌رۆكه‌كانی  له‌ ئاستی باڵا كێشه‌كانی كوردستان و عێڕاق و ناوچه‌كه‌ له‌گه‌ڵ سیاسه‌تمه‌داره‌ مه‌زنه‌كانی جیهان له‌ دید و بۆچوونی خۆیان، به‌ دوورله‌ هه‌ر جۆره‌ توندڕه‌ویه‌ك و به‌ دیدێكی پڕاگماتیانه‌یه‌ باس بكه‌ن.
هه‌رێمی كوردستان سیاسه‌تێكی ژیرانه‌ی له‌ چوارچێوه‌ی پاراستنی به‌رژه‌وه‌ندی هه‌رێم  له‌و ئاڵۆزییه‌ و قه‌یرانه‌ی كه‌ له‌ عێڕاق و ناوچه‌كه‌دا هه‌یه‌ گرتووه‌ته‌ به‌ر، هه‌بوونی په‌یوه‌ندییه‌كی ته‌ندروست ڵه‌گه‌ڵ گشت لایه‌نه‌كان به‌ زیانی هه‌رێم ناشكێته‌وه‌ .
 كێشه‌ی نێوان وڵاتانی ناوچه‌كه‌ له‌گه‌ڵ یه‌كتری و له‌ گه‌ڵ زلهێزه‌كانیش له‌ بنه‌ڕه‌تدا هیچ په‌یوه‌ندیه‌كی به‌ گه‌لی كورده‌وه‌ نیه‌ ، به‌ڵام ئه‌و كێشانه‌ نه‌ك ته‌نیا كاریگه‌ریان له‌ سه‌ر هه‌رێمی كوردستان هه‌یه‌ به‌ڵكوكاریگه‌ریان له‌ سه‌ر تێكڕای ناوچه‌كه‌ هه‌یه‌، هه‌ر بۆیه‌ ده‌بێت زۆر وریان بین توانای خۆمان  بزانین ، نه‌ به‌ گرنگی پێدانی نێو ده‌وڵه‌تی وه‌كو نه‌ته‌وه‌ توشی غرور ببین و لایه‌نه‌كانی تریش استیفزاز بكه‌ین، نه‌ له‌ هاتنه‌ پێشه‌وه‌ی قه‌یرانه‌ نه‌خوازراوه‌كانیش توشی بێ هیوای ببین، ئێمه‌ خاوه‌ پرسێكی پیرۆز و له‌سه‌ر حه‌قین و گه‌ر به‌ خۆمان هۆكاری شكستمان نه‌بین هه‌ر سه‌ر ده‌كه‌وین.
هه‌ڕه‌شه‌كانی سه‌ر هه‌رێم زۆرن و جۆراو جۆرن ، به‌ یه‌كگرتوویی و وریاییه‌وه‌، ده‌توانین ڕێگه‌ نه‌ده‌ین پیلانی دوژمنان و نه‌یاران سه‌ر بكه‌وێت، هه‌روه‌ها ڕێگه‌ نه‌ده‌ین نه‌ گرژیه‌كانی ئێستای نێوان وڵاتان و نه‌ دۆستایه‌تی داهاتوویان له‌ سه‌ر حیسابی به‌رژه‌وه‌ندی گه‌له‌كه‌مان بێت . 
با سه‌ركه‌وتنه‌كانمان له‌ هه‌ر بوارێكدا بن، سیاسی و دیپلۆماسی ، یان ئابوری و سه‌ربازی  به‌ سه‌ركه‌وتنی نه‌ته‌وه‌یی و نیشتمانی دابنێین. 
خوای گه‌وره‌ گه‌لی كوردستان له‌ هه‌موو مه‌ترسی و هه‌ڕه‌شه‌كان و له‌ سه‌رووی هه‌موانیش له‌ نیفاق و دوژمنایه‌تی یه‌كتری بپارێزێت.





ئەم هەواڵە 3259جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad