English | عربی | Kurdî دواهەواڵ
ڕاستەوخۆ  
 
له‌ سلێمانى دەست بەسەر دوو ئۆتۆمبێلی دزراودا گیرا
2020-01-26 [12:28 PM]

ZNA-هەولێر


بەڕێوەبەری بەشی ڕاگەیاندن و پەیوەندییەکانی بەڕێوەبەرایەتیی پۆلیسی پارێزگای سلێمانی، دەستبەسەرداگرتنی دوو ئۆتۆمبێلی دزراو و دەستگیرکردنی دوو تۆمەتباری ڕاگەیاند.

ئەمڕۆ یەکشەممە ٢٦/١/٢٠٢٠، نەقیب سەرکەوت ئەحمەد، بەڕێوەبەری بەشی ڕاگەیاندن و پەیوەندییەکانی بەڕێوەبەرایەتیی پۆلیسی پارێزگای سلێمانی لە پرێس کۆنفرانسێکدا ڕای گەیاند: "لەلایەن پۆلیسی شاری بابلەوە ئاگادار کراینەوە کە ئۆتۆمبێلێک لەجۆری لاندکرووزەر لەو شارە دزراوە و گومانیان ھەبوو کە بەرەو شارەکانی ھەولێر و سلێمانی ھێنرابێت، بۆ کۆکردنەوەی زانیاری و دەستپێکردنی لێکۆڵینەوەکان، ھێزەکانمان لەبەشی پۆلیسی نەھێشتنی تاوان و بەشی پۆلیسی فریاکەوتن ئاگادار کردەوە، دوێنێ ٢٠٢٠/١/٢٥ ئۆتۆمبێلەکە لە پێشانگایەکی کڕین و فرۆشتنی ئۆتۆمبێل دۆزایەوە و دەستی بەسیردا گیرا، ئەو کەسەش دەستگیر کرا کە ئوتومبیلەکەی پێبووە، ئێستاش ئەو کەسە بە بڕیاری دادوەر بەندە".

ئاماژەی بەوەش دا، ڕۆژی ٢٠٢٠/١/٢٤ ئۆتۆمبێلێک لە سلێمانی دزرابوو، کە بەزۆر لەخاوەنەکەیان سەندبوو، پاش تۆمارکردنی سکاڵا لەبەشی پۆلیسی فریاکەوتن و نەھێشتنی تاوان لەلایەن شۆفێری ئۆتۆمبێلەکەوە، لەماوەی چەند کاتژمێرێکی کەمدا توانرا ئۆتۆمبێلەکە بدۆزرێتەوە و دەستی بەسەردا بگیرێت، ئەو کەسەش دەستگیر بکرێت، کە ئۆتۆمبێلەکەی دزی بوو.





ئەم هەواڵە 2464جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad