English | عربی | Kurdî دواهەواڵ
ڕاستەوخۆ  
 
عێراق هەوڵی گەڕاندنەوەی قوتابی و هاووڵاتیانی لە چین دەدات
2020-01-27 [07:07 AM]

ZNA- هه‌ولێر


بەهۆی بڵاوبوونەوەی ڤایرۆسی کۆرۆناوە، وەزارەتی دەرەوەی عێراق هەوڵی گەڕاندنەوەی قوتابی و هاووڵاتیانی وڵاتەکەی لە کۆماری میللیی چین دەدات.

ئەحمەد سەحاف، گوتەبێژی وەزارەتی دەرەوەی عێراق بە میدیاکانی وڵاتەکەی راگەیاندووە، تا ئێستا هیچ حاڵەتێکی تووشبوون بە ڤایرۆسی کۆرۆنا لەناو رەوەندی عێراقی لە چین، تۆمار نەکراوە.

ئەحمەد سەحاف هەروەها رایگەیاندووە، کە پێشتر 150 قوتابی و هاووڵاتیی وڵاتەکەی لە شاری وهان لە چین بوون، بەڵام ئێستا ئەو ژمارەیە دابەزیوە بۆ 63 کەس.

گوتەبێژی وەزارەتی دەرەوەی عێراق ئاماژەی بە هەوڵدانیوەزارەتەکەی بۆ گەڕاندنەوەی قوتابی و هاووڵاتییانی وڵاتەکەی کردووە، بەڵام دەسەڵاتدارانی چین بۆ رێگرتن لە بڵاوبوونەوەی زیاتری ڤایرۆسەکە، رێگای چوون و هاتنیان لە شاری وهان داخستووە.

لە کۆتایی ساڵی رابردووەوە، ڤایرۆسی کۆرۆنا لە شاری وهان سەری هەڵداوە و چەندین شاری چینی گرتووەتەوە. تا ئێستا بەهۆی ئەو ڤایرۆسەوە، دوو ژهەزار و 744 کەس تووشی ڤایرۆسەکە بوون و 80 کەس لە چین گیانیان لەدەست داوە.





ئەم هەواڵە 928جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad