English | عربی | Kurdî دواهەواڵ
ڕاستەوخۆ  
 
نێچيرڤان بارزانى: عێراق و سووريا شايه‌نى ژيانێكى باشترن
2020-01-27 [08:03 AM]

ZNA_ هەولێر


ئێواره‌ى ئه‌مڕۆ دووشه‌ممه‌ 27/1/2020 به‌ڕێز نێچيرڤان بارزانى، سه‌رۆكى هه‌رێمى كوردستان، به‌شدارى له‌ ڕێوڕه‌سمى خه‌ڵاتكردنى براوه‌كانى فيستيڤالى كورته‌فيلمى به‌ره‌و پێشه‌وه‌ كرد كه‌ بەرنامەى نەتەوە یەکگرتووەکان بۆ پەرەپێدان UNP به‌ هاوبه‌شى له‌گه‌ڵ بەرنامەى نەتەوە یەکگرتووەکان بۆ نیشتەجێ مرۆییەکان، کۆمەکى سەندووقى متمانەى هەرێمى، سەر بە یەکێتیى ئەورووپا بۆ بەدەمەوەهاتنى قەیرانەکانى سووریا، سەندووقى متمانەى مەدەدى سەر بە یەکێتیى ئەورووپا ساز كرابوو.
سه‌رۆك نێچيرڤان بارزانى، له‌ وته‌يه‌كدا گوتى: به‌خێرهاتنى نوێنه‌رانى یەکێتیی ئەورووپا و UNDP دەکەم کە هەردووکیان تەشریفیان لێرەیە. سوپاس و دەستخۆشییان لێدەکەم بۆ سازدانی ئەو ڕێوڕه‌سمه‌. ئەوەی کە بینیمان لەو فیلمانە بە شێوەیەکی گشتی، بەشێکی، زۆر بەداخەوە نه‌هامه‌تى و ناخۆشیی خەڵکی عێراق بە شێوەیەکی گشتی، هەروەها گەلی سووریا دەردەخات، بەشێکی دیکەشی زیاتر دەرخستەی ئەو هیوا و ئاواتانەیە کە ئەو گەنجانە هەوڵیان داوە بە پیشاندانی ئەو کورتە فیلمانە پیشانی دونیای بدەن.
ئەوەی له‌ هه‌ر هه‌مووی گرنگتره ئەوەیە کە زیاتر گەلی عێراق، گەلی سووریا چاویان لە ئایندەیە. ڕابردوویەکی ناخۆش بووە، نه‌هامه‌تييه‌كان ناخۆش بوون، بەڵام ئەوەی کە دەرده‌کەوێ گەنجانی ئێمە هەموویان ڕوویان لە ئایندەیە. ئەوەی کە ئەمڕۆ لە عێراقیش دەگوزەرێ، لە بەغدا، لە شارەکانی دیکە، هەمووی ئەم نه‌وه‌ گەنجە بە هیواوە سەیری ئایندە دەکه‌ن. بە ڕاستیش خەڵکی عێراق و خەڵکی سووریا شایستەی ئەوەن کە ژیانێکی باشتریان هەبێ، دۆخێكى باشتریان هەبێ و هەموو پێکەوە بە خۆشی و شادی و پێشکەوتنی وڵاتەکەمان و وڵاتانی دراوسێ.
به‌و هيوايه‌ى ببینین لە ئایندەدا ئەم وڵاتە ڕۆژ بە ڕۆژ بەرەو باشی و خۆشی و بەرەو خێر بڕوات بۆ خۆی و بۆ میللەتەکەی و بۆ دراوسێکانی. بە هیوای ئەو ڕۆژە و پیرۆزبایی لە هەر هەمووتان دەکەم.

 





ئەم هەواڵە 2083جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad